اقسۋ قالاسىندا ەيەلدٸ سوققىعا جىعىپ ٶلتٸرگەن, كەيٸن قىلمىستىڭ ٸزٸن جاسىرۋ ٷشٸن ونىڭ دەنەسٸن ٶرتەمەك بولعان ەر ادامعا سوت ٷكٸمٸ شىقتى, دەپ حابارلايدى dalanews.kz.
كريمينالنىي كازاحستان دەرەككٶزٸنٸڭ مەلٸمەتٸنشە, وقيعا 17 سەۋٸردە قالا شەتٸندەگٸ جىلۋ قۇبىرلارىنىڭ ماڭىندا بولعان. ەر ادام مەن ەيەل بٸرگە ٸشٸمدٸك ٸشٸپ وتىرعان كەزدە ارالارىندا جانجال تۋىنداعان. بۇعان ەيەلدٸڭ ەر ادامنىڭ مارقۇم اناسىنا تٸل تيگٸزۋٸ سەبەپ بولعان.
جانجال كەزٸندە ەر ادام ەيەلدٸڭ بەتٸنەن جۇدىرىقپەن ۇرىپ, كەيٸن دەنەسٸنٸڭ ەر تۇسىنان بٸرنەشە رەت تەپكەن. اۋىر جاراقات العان ەيەل وقيعا ورنىندا كٶز جۇمعان.
وسىدان كەيٸن ەر ادام ٷيٸنە بارىپ, ديزەل وتىنىن الىپ كەلگەن. قىلمىستىڭ ٸزٸن جاسىرماق بولعان ول مارقۇمنىڭ كيٸمٸن شەشٸپ, دەنەسٸنە جانارماي قۇيىپ, ٶرت قويعان.
سوت ايىپتالۋشىنى قر قىلمىستىق كودەكسٸنٸڭ 99-بابىنىڭ 1-بٶلٸگٸ - "ادام ٶلتٸرۋ" بويىنشا كٸنەلٸ دەپ تانىدى. وعان قاۋٸپسٸزدٸگٸ ورتاشا مەكەمەدە 10 جىل باس بوستاندىعىنان ايىرۋ جازاسى تاعايىندالدى.
سونىمەن قاتار سوتتالعان ازاماتتان جەبٸرلەنۋشٸ تاراپتىڭ پايداسىنا 5,5 ميلليون تەڭگەدەن استام ٶتەماقى ٶندٸرٸلدٸ.
