«Qazmiia» zaýyty alǵashqy ónimin Japoniiaǵa jóneltti
Álemdik innovatsiialyq ekonomikaǵa qosylýda elimizde qolǵa alynyp, júzege asyrylyp jatqan «Údemeli indýstriialyq-innovatsiialyq baǵdarlamanyń» orny airyqsha. Atalǵan baǵdarlama aiasynda respýblikamyzdyń túkpir-túkpirinde úlkendi-kishili birqatar jobalar jolǵa qoiylyp, búginde jasalǵan jumystyń nátijesi de aiqyn bolyp otyr. Sol baǵdarlamanyń aiasynda tirligin tiktep otyrǵan atalmysh óndiris ornynyń qurylysy 2014 jyly bastalǵan bolatyn. Jobalyq quny 900 million teńgeni quraityn zaýyt jylyna 2500 tonna miia tamyryn óńdeidi dep josparlanǵan. Sonymen qatar, zaýyttyń qurylysy da japondyq investorlardyń qoldaýymen júzege asqan edi.«QazMiia» JShS-niń direktory Oljas Ábdeshovtyń aitýynsha qazirgi kezdekásiporynnyń ieliginde keptirilgen miia tamyryn saqtaýǵa arnalǵansyiymdylyǵy 400 tonna bolatyn arnaiy qoima bar. Taǵy bir aita keterligi, atalmysh zaýyt ótken jyldyń maýsym jáne tamyz ailarynda eki márte 22 tonna 800 kilogramm kóleminde óndirilgen ónimdi Janopiia memleketine eksporttapty.Sonymen birge, mundaǵy jumysshylardyń deni jergilikti turǵyndar eken. «Jalpy zaýytta 20-dan asa jańa jumys orny ashyldy. Olardyń ishinen 3 injenerdi syrttan shaqyrttyq. Qyzmetkerlerimizdiń deni «Jumyspen qamtý - 2020» baǵdarlamasy aiasynda kelýde.
Negizi óndiris orny miia tamyrynyń untaq túrinde shyǵarady. Odan bólek miia tamyry ekstraktisiniń taǵy bir túri bar, ol qoiý bolyp keledi. Bul qoiý ekstrakt elimizdiń dárihanalarynda jótelge qarsyem retinde satylyp jatyr. Biraq bizdiń shyǵaryp jatqanymyz - untaq túrindegi shikizat. Qoiý ekstrakti shyǵarý úshin japondyqtar ónimdi óńdeitin zaýyttaryn oblysqa kóshirý týraly 2015 jyly oblys ákimdigimen bir mámilege kelgen bolatyn. Alaida ekinshi zaýytty munda ákelý úshin, aldymen birinshisin aiaǵyna turǵyzyp alýymyz kerek. Osy maqsatta qazir aianbai ter tógip jatyrmyz. Eger josparymyz júzege asyp, ekinshi kásiporyn boi kóteretin bolsa, V gepatiti, kóz aýrýlary syndy dertterge qarsy emge qoldanylatyn monoammoniým glitsirrizinat degen baǵaly ónim shyǵarýǵa múmkindik týady. Ázirge kelisilgen memorandýmǵa sai, japondyqtar shikizatymyzdy dárige ainaldyryp, el turǵyndaryna qoljetimdi baǵamen satýǵa ýáde etip otyr. Odan keiin dári túrlerin ózimiz de shyǵaratyn bolamyz», - deidi ol.
Áýlieata óńiriniń áleýetin arttyrýǵa kúsh salyp jatqan atalmysh kásiporynǵa bilik tarapynan da kóp kómek kórsetilipti. Máselen, «Jumyspen qamtý jol kartasy — 2020» baǵdarlamasy aiasynda oblystyq biýdjetten 60 million teńge bólinip, infraqurylym júrgizýge kóp demeý bolypty. Seriktestik direktorynyń sózine sensek, olar japondyq áriptesterimen birige otyryp, kórshiles elderde ornalasqan miia tamyryn óńdeitin zaýyttarǵa mamandaryn jiberip, tájiribe almasýǵa múmkindik jasaýdy josparlap otyr eken.
