Investitsiialyq jobalar igilikke bastaidy
Aýdanǵa investitsiia tartý baǵytynda elimizdiń indýstrialdy-innovatsiialyq damýynyń 2016-2019 jyldarǵa arnalǵan memlekettik baǵdarlamasy aiasynda aldaǵy ýaqytta jalpy quny 300 milliardtan asatyn 7 investitsiialyq jobajúzege aspaq. Olardyń qatarynda «TOO WINDHAN», «M-KAT-GREEN», «Sun solutions Kazakhstan», «SBS Grop-S», «A & T -Energo» jáne «Sinerdji Agro Treid» jaýapkershiligi shekteýli seriktestigi bar.
Atalǵan seriktestikterdiń alǵashqysy jel elektr qýatyn óndirip, 90 adamdy turaqty jumyspen qamtymaq. Bul jobanyń quny 550 million AQSh dollaryn qurasa, onyń qýattylyǵy 109-250 MVt quraityn kórinedi. Búgingi tańda seriktestik birinshi kezeń boiynsha memlekettik saraptamadan ótip, ekinshi kezeńde memlekettik saraptamadan ótkizýge qujattaryn zańdastyrýda. Al, kelesi «M-KAT-GREEN» jaýapkershiligi shekteýli seriktestigi qolǵa alǵaly otyrǵan foto-elektr stantsiiasy Alǵa aýyldyq okrýginde ashylmaq. Jobany júzege asyrý úshin aýdandaǵy Alǵa aýyldyq okrýginen 500 gektar jer bólingen.
Sonymen qatar, biznes jospardyń jobasyn jasaý, qýattylyqty ólsheý boiynsha shema qurý, qorshaǵan ortaǵa áserin tigizý boiynsha baǵalaý júrgizý men jobalyq-smetalyq qujattama jasaý boiynsha jumystar jáne el Úkimetimen elektr qýaty tarifteriniń baǵalaryna qosymsha kelissózder júrgizip jatqan «Sun solutions Kazakhstan» jaýapkershiligi shekteýli seriktestigi óz jobalaryn júzege asyrǵanda 60-tan asa adamdy turaqty jumyspen qamtýdy kózdep otyrǵan kórinedi. Budan bólek, «A & T -Energo» jaýapkershiligi shekteýli seriktestigi aldaǵy ýaqytta eki birdei jobany qolǵa almaq niette eken. Qos joba iske qosylǵanda 30-ǵa jýyq adamǵa turaqty jumys orny ashylady. Sondai-aq, atalmysh 7 investitsiialyq jobalardyń qataryndaǵy eń irisi - «SBS Grop-S» jaýapkershiligi shekteýli seriktestiginiń tsement óndirýmen ainalysatyn jobasy. Jylyna 1 million tonna tsement óndirýge qaýqarly bul seriktestik tolyq qýatynda jumys istegende 400 adamdy jumyspen qamtidy. Qazirgi kezde qurylys jumystaryn júrgizý úshin Shoqpar aýylynan 50 gektar jer telimi jáne «Smart Agro» jaýapkershiligi shekteýli seriktestiginen 2000 gektar jer alýǵa kelissózder júrgizilýde eken. Sonymen qatar, «Sinerdji Agro Treid» jaýapkershiligi shekteýli seriktestigi qolǵa alǵaly otyrǵan jobanyń jalpy quny 1 milliard 200 million teńgeni qurap otyr. Jalpy, investitsiia kez kelgen ekonomikanyń «kúretamyry» deitin bolsaq, aýdanǵa ańsary aýǵan investorlardyń kóp bolyp turǵandyǵy qýantady. Elbasynyń ózi barlyq salalardyń damýyna strategiialyq kózqaraspen qaraý qajettigin árdaiym aityp otyrady. Sol sebepti, aldaǵy ýaqytta bul baǵyttaǵy jumystardy odan ári jandandyrý artyq emes ekendigi sózsiz.
