Jiynnyń shymyldyǵyn túrgen saiasattanýshy Edýard Poletaev, internet paida bolǵaly klassikalyq bilim berýdiń úlgileri de ózgerdi.
«Aitalyq, osydan 20 jyl buryn eshkimde jelilik ýniversitetter bolady dep oilaǵan joq. Bilim salasyna kelgende bizde bir máseleni sheshý kerek. Baiqar bolsańyzdar, postkeńestik memleketterdiń kópshiliginde aldymen bilim salasyna arnalǵan reforma paida bolady, artynsha ol reformalardy aqaýyn retke keltiretin taǵy bir reforma qabyldanady. Jalpy meniń oiymsha bilim salasyndaǵy reformalar qoǵamdyń damýy men múmkindigine qarai qabyldanýy kerek», – dedi Poletaev.
Óz kezeginde jýrnalist Vladislav Iýritsyn bul máseleni elimizdegi bilim salasy mamandarynyń ailyǵynyń tómendigimen bailanystyrdy. Onyń aitýynsha, muǵalimderdiń jalaqysy eldegi ortasha jalaqydan 40 paiyzǵa tómen.
ál-Farabi atyndaǵy QazUÝ IýNESKO ortalyǵynyń direktory Laila Ahmetovanyń aitýynsha, eń úlken másele oqýlyqtarda.
«Keńes ýaqyty kezinde oqýlyq jazatyn avtorlar az edi. Sebebi, olardy jazý óte aýyr bolatyn. Al qazirgi jaǵdai qandai? Áiteýir bir qurylym kitap shyǵarýǵa tender utyp alady. Keiin oqýylyq jazý úshin bir kaferda meńgerýshisin jumysqa alady. Boldy. Álgi adam bir kitapty jalǵyz ózi jazyp shyǵady. Mine, bylyqtyń basy osynda» dedi ol.
Óz kezeginde Kesarev Consulting bas keńesshisi Natalia Maliarchýk: «Qazirgi tańdaǵy bilim salasyndaǵy kemshilikti tómennen emes, joǵarydan izdeýge tiistimiz. Nege? Eger joǵary jaqta bilim júiesin qalai jáne qandai jolmen damytý qajettigi týraly naqty jospar bolsa qazirgidei bylyq bolmas edi» degeni pikir bildirdi.
Al jiyndy túiindegen Eýraziialyq ǵylymi-zertteý institýty, aǵa ǵylymi qyzmetkeri Dáýren Abenniń pikirinshe bilik reformanyń sońyna túsip alǵandy.
«Áiteýir bir alasapyran. Bir reformanyń ústin bir reforma basady. Bireýi keledi, bireýi umytylady. Bireýin endirip te úlgermeidi, ústine jańasyn engizedi.
Ministr aýyssa bolǵany. Onymen birge jańa reforma da jetip keledi.
Menińshe, bul arada bar pármen joǵarydan keletin siiaqty. Joǵary jaqta da, ministrlikte de bilim salasyn qalai damytý kerektigi týraly naqty strategiia joq», – dedi ol.
