Onyń aitýynsha, aglomeratsiia – ekonomikalyq, mádeni jáne turmystyq jaǵynan bir-birimen tyǵyz bailanysty eldi mekenderdiń shaǵyn aýmaqqa shoǵyrlanýy.
– Shymkent aglomeratsiiasyna 9 qala, aýdan aýmaqtary kiredi. Boljamǵa sáikes, 2020 jylǵa qarai aglomeratsiiasynyń halqy 10,3 paiyzǵa artady dep kútilýde. Al, 2030 jyly aglomeratsiia halqynyń sany bazalyq kezeńge qaraǵanda 29,7 paiyzǵa kóbeiedi, – dedi Baqtybai Elikuly.
Ázirlengen jobaǵa sáikes, halyqtyń kóshi-qon aǵynyń ustap qalý úshin «kontrmagnitter» dep atalatyn iri eldi mekender damytylady. Ol úshin ońtústik baǵytta Saryaǵash, al batys baǵytynda Arys qalasy, sondai-aq shyǵys baǵytynda Turar Rysqulov aýyly tańdalyp alynǵan. Halyqtyń ishki kóshi-qon ortalyqtaryn damytý maqsatynda seriktes eldi mekender retinde Leńgir qalasy, Aqsý, Qazyǵurt, Badam, Temirlan, Tórtkúl, Shaian eldi mekenderi belgilenip otyr.
Aita keteiik, jobada aglomeratsiia aýmaǵynda ómir súrýdiń qolaily jaǵdailaryn qamtamasyz etýge baǵyttalǵan injenerlik, kóliktik, áleýmettik, rekreatsiialyq infraqurylymdarynyń keshendi damytý sharalary qarastyrylǵan.
OQO ákiminiń baspasóz qyzmeti
