Búgin saiasatker zańda kórsetilgen bastamashyl toptyń tizimin Ádilet ministrligine ótkizdi. Álemdik mańyzy bar jáne ár memleket nazar aýdaratyn ekologiialyq máseleni qolǵa alǵan ol bul týraly málimetti áleýmettik jelide jariialady. Osy protsesten keiin partiia sezin ótkizbek.
"Baitaq» partiia bolyp tirkelmek! Elde, memlekette úlken ózgeris kerek. Óitkeni bir adamǵa tabynýmen ótken otyz jyldyq júie endi qajet emes. Ol úshin ne isteý kerek? Árine, eń aldymen saiasi -ekonomikalyq, áleýmettik reformalar qajet. Sonyń ishinde ózge salalarǵa tegershik bolatyn saiasi reformalardyń jóni bólek. Saiasi reforma júrgen kezde damý bolady", – dep jazdy Azamathan Ámirtai álemjelidegi paraqshasynda.
Onyń pikirinshe Jańa Qazaqstandy qurý úshin saiasat sahnasyna jańa partiialar, jańa tulǵalar shyǵýy tiis. «Amanat» (Nur Otan) bastaǵan eki-úsh partiiaǵa halyqtyń senimi joq.
"Qazir bizge halyqtyń sózin sóileitin, memlekettiń múddesin alǵa shyǵaratyn jańa partiialar qajet. Sol oida biz «Baitaq» ekoaliansy 2019 jyldan beri ekologiialyq jasyldar partiiasyn qursaq dep keldik. Alǵa qoiǵan maqsatymyz ult múddesin alǵa shyǵarý, ádil qoǵam ornatý edi. Sol 2019 beri 18 ret Ádilet mininistrligine qujat tapsyrdyq. Alaida únemi qujattan bir «kilipan» taýyp, ózimizge qaitaryp keldi.
Tek búgin ǵana sol Ádilet ministrliginen súiinshi, qýanyshty habar alyp otyrmyz. «Baitaqtyń» partiia bolyp tirkelýine múmkindik berilgen eken. Endi 20 myń qol jinap, partiianyń sezin ótkizý kerek bolyp jatyr. Egerde bári sátti bolyp partiiaǵa ainalyp jatsaq, memleket úshin, el úshin qyzmet etýge daiarmyz", – dep jazdy ol.
Jańa partiianyń sezi ótetin kún áli belgilengen joq, ol týraly Azamathan Ámirtai aldaǵy ýaqytta habarlaidy.
