Bul týraly vedomstvonyń baspasóz qyzmeti málimdedi, dep habarlaidy Dalanews.kz.
Is boiynsha kúdiktilerdiń beseýi ótip jatyr, olardyń bireýi qamaýda, ekeýi – úi qamaqta.
Tergeý barysynda zańsyz satyp alynǵan aktivter men aiyptalýshylardyń jalpy somasy 240 milliard teńgeden astam nemese 500 million AQSh dollarynan astam aqshalai qarajaty memleketke qaitaryldy.
Satybaldyulyna qatysty salyq pen kedendik tólemderdi tóleýden jaltarý, qylmystyq kiristerdi zańdastyrý faktileri boiynsha qylmystyq ister qosymsha tergelýde.
Aiyptalýshylardyń basqa da zańsyz aktivterin izdeý belsendi túrde jalǵasýda.
Elde jáne shetelde qosymsha jyljymaityn múlik, avtomobilder jáne jalpy somasy 400 milliard teńgeden astam nemese 900 million AQSh dollarynan astam aqshalai qarajat ornatylyp, jaqyn arada memleketke qaitarylatyn bolady.
Eske salsaq, biyl 13 naýryzda sybailas jemqorlyqqa qarsy qyzmet Qairat Satybaldynyń ustalǵanyn habarlady. Ol "Qazaqtelekom" AQ-nyń qarajatyn asa iri kólemde jymqyrdy degen kúdikke ilingen. Sondai-aq memleket qaýipsizdigine nuqsan keltiretin basqa da qylmystarǵa qatysy bar-joǵy tekserilip jatqany aitylǵan edi.
Qairat Satybaldy – tuńǵysh prezident Nursultan Nazarbaevtyń nemere inisi.
Qairat Satybaldynyń burynǵy áieli Gúlmira Satybaldy da qamaýǵa alyndy. Ol Ýniversiada-2017 nysandaryn jóndeýge bólingen aqshany urlady dep aiyptalyp jatyr.
