Otandyq avtokólik ónerkásibi tóńiregende, ondaǵy qurastyrylýǵa qatysty taralyp jatqan ańyzdarǵa qaramastan óndiris qaryshtap damyp keledi. Ýtilizaiialyq alym týraly ótinishti qaraý jónindegi jumys toby Allur zaýytyna bardy. Óndiristiń barlyq kezeńderinde joǵary tehnologiia menavtomattandyrylǵandyǵy kórsetildi. Jańa tehnologiialardy engizip, stýdentterge arnalǵan kásibi quzyrettilik ortalyǵynyń ashqan. Osy arqyly kásiporyn qazaqstandyq avtoónerkásiptiń bolashaǵy joǵary bilikti mamandar men óndiristiń innovatsiialyq ádisterine bailanysty ekenin senimdi túrde kórsetip otyr.
Zaýytta avtokólikterdi óndirý barasynda olardyń árbir detaldary júzege asyrýda tek qol eńbegi ǵana emes, sonymen qatar joǵary tehnologiialyq robottar qatysady. Árbir kóliktiń shanaǵy avtomatty túrde geometriialyq ólsheýden bastap kóptegen baqylaý kezeńderinen ótedi. Avtomatty rejimdegi ólsheý mashinasy aýytqýlardy boldyrmaýǵa jáne geometriialyq dáldik 95% ólshem jasýǵa múmkindik beredi.
Zaýyttyń óndiristik jelileri robottandyrylǵan ozyq júielermen jabdyqtalǵan. Mysaly, shanaqty dánekerleý lazerdiń kómegimen júzege asyrylady. Bul usaq túiindi qurastyrýdyń joǵary beriktigi men dáldigin qamtamasyz etedi. Avtomattandyrý sapany joǵary deńgeide saqtai otyryp, kúnine 40-qa deiin shanaq shyǵarýǵa múmkindik beredi. Otandyq avtoónerkásiptiń óndiristik protsesi robottar men adamdar qatar jumys isteitin integratsiialanǵan túrde júredi. Bul brend shyǵaratyn seriktester talaptaryna tezirek beiimdelýge jáne sapany joǵaltpai ártúrli avtokólik modelderin shyǵarýǵa múmkindik beredi.
Konveierden shyqqan árbir kólik qatań túrle sapalyq baqylaýdan ótedi. Zaýyt zerthanalarynda materialdar men komponentterdi fizikalyq-mehanikalyq taldaý, sondai-aq dánekerlengen qosylystardyń beriktik jaǵynan synaý júzege asyrylady. Dánekerlergen jerdiń myqtylyǵyna kóz jetkizý úshin aýyr júktemeler túsiretin synaqtar jasalady. Osylaisha onyń beriktigine kóz jetkiziledi.
Adami kapital
Allur qyzmetkerlerdi oqytýǵa erekshe nazar aýdarady. Tseh operatorlary men baqylaýshylary óndiristiń joǵary standarttaryna sáikes kelý úshin únemi jetildirilip otyrady. Bul zaýytqa ónimniń turaqty sapasyn saqtaýǵa jáne jańa tehnologiialyq talaptarǵa beiimdelýge múmkindik beredi. 2023 jyly kásiporyn qyzmetkerleriniń sany 3 305 adamdy qurady.
Osy jyldyń naýryz aiynda Qostanai avtomobil kóligi kolledjiniń bazasynda kásibi quzyrettilik ortalyǵy ashyldy. Bul Ortalyq Qazaqstandaǵy CKD-óndirisinde (shaǵyn torapty qurastyrý) stýdentterdi oqytýǵa arnalǵan alǵashqy alań boldy. Zaýyt óndiriste paidalanylatynmen birdei zamanaýi jabdyqty satyp alýǵa jáne ornatýǵa 60 mln teńge investitsiialady. Stýdentter endi oqýmen qatar tájiribelik daǵdylardy úirenedi. Bul zaýytqa jumys isteýge daiyn, bilikti mamandardy daiarlaýǵa múmkindik beredi.
Kásiporyn sonymen qatar óz qyzmetkerleri men jergilikti qoǵamdastyqqa belsendi qoldaý kórsetedi. Zaýyttyń barlyq qyzmetkerleri tegin jol júrýmen, tamaqpen jáne arnaiy kiimmen qamtamasyz etilgen. Múmkindigi shekteýli jandarǵa arnalǵan jumys oryndary quryldy. Zaýyt qyzmetkerlerine korporativtik meditsinalyq saqtandyrý, jataqhana, bilim berý granttary, sheteldik taǵylymdamalardy jáne birqatar arnaiy jeńildikterdi usynady: eńbek sińirgen jyldary úshin jalaqyǵa qosymsha aqylar: 3 jyl - 5%, 7 jyl - 10%, brigadirlik jáne tálimgerlik úshin - 10%; seriktes uiymdardaǵy qyzmetkerlerge jeńildikter. Budan basqa, zaýyt oqý ornynyń materialdyq-tehnikalyq bazasy men bilim berý baǵdarlamalaryn damytýǵa yqpal ete otyryp, Qostanai avtomobil kóligi kolledjine qamqorlyq jasaidy.
Allur otandyq avtoónerkásiptiń tiimdiligi joǵary, adami kapitalǵa den qoiǵan joǵarytehnologiialyq jáne sapaly óndiriske qabiletti ekenin kórsetedi. Óitkeni Qazaqstanda avtokólikóndirisiniń árbir kezeńi avtomattandyrý men kásibiliktiń joǵary deńgeide ekendigin kórsetip otyr.Qazaqstandyqtar týǵan jerinde óndiriletin óz avtokólikteriniń sapasy men qaýipsizdigine senimdi bola alady.
