Grekiia biligi Gidra aralyndaǵy orman órtine Qazaqstannan kelgen týristerdiń qatysy bar-joǵyn tekserip jatyr. Olar tilsiz jaýdyń tutanýyna qaiyqtan ushyrylǵan otshashý sebep boldy degen boljam jasaýda, dep habarlaidy Dalanews.kz.
“Persefone” kemesiniń kapitany jáne 12 ekipaj múshesi juma kúni túnde bolǵan órtke bailanysty aiyptalyp otyr. Bul týraly Grekiia agenttikteri málim etti.
Al Qazaqstannyń syrtqy ister ministrligi qazaqstandyq azamattardyń ustalmaǵanyn jáne olarǵa qatysty eshqandai talap-aryz bolmaǵanyn habarlaǵan bolatyn.
Syrtqy ister ministrliginiń resmi ókili Aibek Smadiiarov bolǵan jaitqa qatysty resmi málimdeme jasady.
“Qazaqstannyń konsýly bul aqparat jariialanǵannan keiin osy iske qatysty birden Grekiia biligine habarlasty. Politsiianyń málimetine sáikes, ustalǵandar arasynda Qazaqstan azamattary joq jáne olarǵa eshqandai da talaptar qoiylmaǵan”, - degen aqparatpen bólisti Aibek Smadiiarov.
Proto Thema grek gazeti, juma kúni órt shyqqannan keiin 17 qazaqstandyq jolaýshy otyrǵan “Persefon” qaiyǵy senbi kúni tańerteń teńiz kemejaiyna bet alǵanyn jetkizdi.
“Gidra órti aralǵa qaýip tóndirdi, 300 akr jer órtenip ketti. Bizdiń órt sóndirýshiler ony aýyzdyqtaýǵa kúsh saldy. Is Pirei prokýratýrasynyń qaraýynda jáne naqty ne bolǵanyn anyqtaý kerek”, - dedi Gretsiianyń klimattyq daǵdarys jáne azamattyq qorǵaý ministri Vasilis Kikilias.
Eske sala keteiik, buǵan deiin Grekiiada týrister iahtany jalǵa alyp, otshashý atqan. Sol kezde araldyń bir bóligi tutanyp, Gidranyń shalǵai aimaǵyndaǵy qaraǵaily orman órtine ulasqan. Turǵyndar bul oqiǵaǵa narazylyǵyn bildirdi.
Birneshe jergilikti BAQ órtke qazaqstandyqtardyń qatysy baryn habarlady.
