Jýyrda Almatyda «Ulttyq ǵylymi-tehnikalyq aqparat ortalyǵy» AQ men Thomson Reuters kompaniiasynyń uiymdastyrýymen «Álemdik keńistikte Ortalyq Aziia elderi ǵylymynyń yntymaqtasýy» atty halyqaralyq forýmy bolyp ótti. Forým jumysynda otandyq ǵylymi ortanyń ǵalamdyq ǵylymi málimetter qoryna paidalanyp, ǵylymdy damytýdyń ózekti máseleleri talqylandy. Sondai-aq, aitýly shara barysynda Ortalyq Aziia elderiniń ǵalymdaryna alǵash ret «Ǵylym kóshbasshysy» táýelsiz marapaty tabys etildi.
Qazirgi tańda elimizdegi 250-ge jýyq joǵarǵy oqý oryndary men ǵylymi-zertteý uiymdary Thomson Reuters jáne Springer kompaniiasynyń bedeldi ǵylymi málimetter qoryn erkin paidalanýda. Óz kezeginde sóz alyp, jiyndy júrgizgen «Ulttyq ǵylymi-tehnikalyq aqparat ortalyǵy» AQ prezidenti Ádil Ybyraev:
» syilyǵyn tabystap otyrmyz. Osy rette Ortalyq Aziia boiynsha álemdik ǵylymi qoǵamdastyq tarapynan ǵylymi eńbegi joǵary baǵalanǵan 90 paiyzdan astamyn qazaq ǵalymdary qurap otyr. Osy bir qarapaiym kórsetkishten otandyq ǵylymnyń damý barysyn baǵamdaýǵa bolady, – dep oiyn ortaǵa saldy.
Ortalyq basshysynyń sózine qulaq asqanymyzda qazaq ǵalymdarynyń sheteldik ǵylymi jýrnaldarǵa mańyzdy ǵylymi maqalalar jariialaýy otandyq ǵylymnyń yntymaqtastyq aiasyn keńeitip, ǵylymi-zertteý jumystaryn joǵary deńgeide júrgizýge jol ashatynyn alǵa tartty. Biz óz tarapymyzdan ǵalamdyq ǵylymi aqparattyq málimetter qoryn barynsha tiimdi paidalanýdyń mańyzyn ǵalymdarymyz jete túsingenin baiqadyq. Osy úrdis JOO men ǴZI daiyndalatyn ǵylymi-zertteý jumystaryn sapaly atqarýǵa yqpal ete bastaǵany anyq. Jiynǵa qatysqanymyzda Qazaqstanda shyǵatyn 10 ǵylymi jýrnal Thomson Reuters kompaniiasynyń WebofScienceofNewEdition aqparattyq resýrsyna enýge árekettenip jatqanynan habardar boldyq. Eger otandyq basylymdar bedeldi málimetter bazasynan oryn alatyn bolsa, Qazaqstan Ortalyq Aziiadaǵy ǵylymdy alǵa súireitin lokomativ memleketke ainalatyny sózsiz. Sondyqtan bul baǵyttaǵy jumystardyń jemisti bolǵanyn qalaimyz.
Otandyq ǵylymnyń halyqaralyq ǵylymi aqparattyq keńistikpen bailanysyn keńeitýi elimizde innovatsiialyq ekonomika qurýdaǵy mańyzdy alǵyshart bolyp tabylatyny belgili. Jiynnyń ashylýynda sóz alǵan Thomson Reuters kompaniiasynyń Ǵylymi zertteýler men ziiatkerlik menshik salasyndaǵy sheshimderdi damytý jónindegi prezidenti Devid Braýn Thomson Reuters kompaniiasy Qazaqstanǵa innovatsiialyq ekonomika qurýda barynsha kómek kórsetip kele jatqanyn alǵa tartty.
Endi «Ǵylym kóshbasshysy» marapatyna toqtala ketsek. Bul marapat Ortalyq Aziia elderinen shyqqan Thomson Reuters kompaniiasynyń Essential Science Indicators aqparattyq resýrsy boiynsha 2005-2015 jyldar aralyǵynda ǵylymi eńbekteri joǵary siltemelik kórsetkishke ie bolǵan ǵalymdarǵa berildi.
Fizika salasy boiynsha joǵary siltemelik kórsetkishke ie bolǵan úsh jariialanym L.Gýmilev atyndaǵy Eýraziia Ulttyq ýniversitetiniń professory Rátbai Myrzaqulovtyń enshisine tiip otyr. Ǵalym bul eńbekterin sheteldik áriptesterimen tize qosyp daiyndaǵan. Sonymen qatar Fizika-tehnika institýtynyń ǵalymdary Ernst Boos, Bolat Jáýtikov, Nikolai Pokrovskii, Áset Baraqbaev syndy ǵalymdarymyz ǵylymi avtorlyq maqalalar daiyndap, eńbekteri joǵary siltemelik kórsetkishke qol jetkizdi.
Nazarbaev Ýniversitetiniń belgili himikteri Jumabai Bákenov pen Ásiia Ermuhambetova kanadalyq áriptesterimen birlesip, akkýmýliatorly batareikaǵa qajetti jańa kompozitti katodtyń túrin oilap tapty. Al L.Gýmilev atyndaǵy Eýraziia Ulttyq ýniversitetiniń himik ǵalymdary Irina Irgebaeva men Dinara Birimjanova AQSh pen Qytaidaǵy áriptesterimen birlesip ǵylymi-zertteý jumystaryn júrgizip, CO2 quramyndaǵy gazdy qosyndylarynan flýorestsentti hemosensordy keń kólemde zerttegen.
Ómir týraly ǵylym salasy boiynsha eńbektengen meditsina mamandary Dáýren Ádilbai men Diliara Qaidarova qaterli isik aýrýyn emdeýge qatysty tyń ǵylymi-zertteý jumystaryn usyndy. Qazaq eginshilik jáne ósimdiktaný ǵylymi-zertteý institýtynyń biologtary – Minýra Esimbekova men Aigúl Ábýǵalieva jáne Ósimdikter biologiiasy jáne biotehnologiiasy institýtynyń ǵylymi qyzmetkerleri Sáýle Ábýǵalieva men Erlan Turyspekovter bidaidyń genetikasyn zertteý týrasyndaǵy halyqaralyq jobaǵa qatysyp, ózderiniń múmkindikterin pash etti.
Uzaq jyldar boiy ǵylymi-zertteý jumystaryn júrgizgen tarihshy-arheolog ǵalym Viktor Zaibert adamzat balasy eń alǵash, iaǵni 6 myń jyl buryn qazaq topyraǵynda jylqy qolǵa úiretilgenin dáleldep berdi. Onyń ǵylymi jumysy 2009 jyly Science jýrnalynda jariialanyp, joǵary siltemelik kórsetkishke ie bolǵan.
«Ǵylym kóshbasshysy» marapaty tanymal fizik, Ózbekstan Ǵylym akademiiasyna qarasty Iadrolyq fizika institýtynyń zerthana jetekshisi Bekzot Iýldashevqa da berilip otyr. Ol Úlken adrondy kollaiderdiń quramdas bólshekterin josparlaý isine qatysqan. Sonymen qatar qyrǵyz meditsina ǵylymdarynyń doktory Talantbek Sooronbaev Dúniejúzilik densaýlyq saqtaý uiymynyń demikpe aýrýyna qarsy kúres is-sharalaryna belsene qatysyp, tyń ǵylymi-zertteý jumystaryn júrgizip, kózge túsken. Klimattyq ózgeristerdi júieli zerttegen tájik ǵalymy Ánýar Hamidov pen túrkimen fizigi Allabergen Áshirálievtiń de ǵylymi jariialymdary da joǵary siltemelik kórsetkishke ie bolyp, «Ǵylym kóshbasshysy» marapatynyń iegeri atanýlaryna jol ashty.
Nurlan JUMAQANOV, «UǴTAO» AQ Qoǵammen bailanys bóliminiń jetekshisi
