Aitýly sharany «Ulttyq memlekettik ǵylymi-tehnikalyq saraptama ortalyǵy» AQ Qazaqstan Respýblikasy Bilim jáne ǵylym ministrliginiń qoldaýymen uiymdastyrdy.
Forýmnyń basty maqsaty – ǵylym men biznes arasyn jandandyrý, ǵalymdardyń ǵylymi-tehnikalyq qyzmetin keńeitip, yntalandyrý, ǵylymi-zertteýler men reitingi joǵary sheteldiń ǵylymi jýrnaldaryna jariialanatyn ǵylymi maqalalardyń sapasyn arttyrý boldy.
Forým jumysyna Qazaqstan Respýblikasy Bilim jáne ǵylym ministrligi men Ǵylym komitetiniń basshylary, Springer Nature, Clarivate Analytics, «Iandeks», «RosAtom», Eýraziia patenttik uiymynyń ókilderi jáne Qazaqstannyń ǵylym-bilim mekemeleri qatysty.
Forýmǵa qatysýshylar aldynda QR BǴM Ǵylym komitetiniń tóraǵasy Bolatbek Ábdrasilov sóz sóilep, Qazaqstannyń innovatsiialyq múmkindikteri týraly aitty.
– Básekege qabilettilik reitinginde DEF sraptamasy boiynsha Qazaqstan 53 orynda, TMD elderi arasynda Qazaqstannyń aldynda Ázirbaijan (37 oryn) men Resei (43 oryn) tur. Básekege qabilettiliktiń 5 faktory boiynsha bizde nátije jaqsarǵan. Eń kóp damý innovatsiia faktory boiynsha (59) baiqalǵan, – dedi komitet tóraǵasy.
Óz kezeginde B.Ábdrasilov forým sarapshylarynyń nazaryn qazaqstandyq bizneske Qazaqstanda innovatsiiaǵa investitsiia salý qyzyqpaitynyn aýdaryp, «tapsyrys berýshiniń daǵdarysy» degen máselege aýdardy. Bul degenińiz, biznes ǵylym aldyna aýqymdy másele qoia almaidy.
Qazaqstandyq qaita qalypqa keletin energiia kózderi týraly «Memlekettik ǵylymi-tehnikalyq saraptama ulttyq ortalyǵy» AQ prezidenti Ádil Ybyraev aitty.
– Qaita qalypqa keletin energiia kózderiniń Qazaqstanda múmkindigi aitarlyqtai mol, alaida jetkilikti paidalanylyp jatqan joq. Búgingi tańda Qazaqstanda balamaly energiia óndirý jalpy kólemnen bar bolǵany 0,4% quraidy. Biraq Qazaqstan Orta Aziia memlekteteri ishinde alǵash bolyp qaita qalypqa keletin energiia kózderine oryn bóletin tómen kómirsýly ekonomikaǵa kóshý strategiiasyn qurdy, – dedi.
Aldyn ala berilgen baǵa boiynsha, respýblikadaǵy dástúrli emes qaita qalypqa keletin energiia kózderi elektr energiiasy óndirisinde tehnikalyq turǵyda paidalanýǵa bolady.Bul memleketimizde elektr qýatyn tutynýddy arttyrady jáne jylyna 337 mlrd. kVt.s quraidy, onyń ishinde:
- Jel energiiasy – jylyna 322 mlrd. kVt.s
- Kún energiiasy – jylyna 4 mlrd. kVt.s
- Shaǵyn GES – 11 mlrd.jylyna kVt.s
Budan bólek forým alańynda otandyq jetekshi jáne sheteldik mamandar baiandama jasap, kelesi taqyryptar boiynsha paneldi jaryssóz ótkizdi:
«Ǵylym men Biznes Yntymaqtastyǵy» alańynda «Úshinshi jańǵyrý jáne QR Ulttyq tehnologiialyq bastamalary aiasynda aqparattyq júielerdiń qorǵaý, basqarý jáne saraptaý»,
- «Bolashaqtyń energiiasyn damytý boiynsha boljaýda zamanaýi zertteý»
- «Halyqaralyq patentteý jahandyq AT-naryǵynda jetistikke jetýdiń mańyzdy faktory» jáne t.b.
Forým jumysy aiasynda Springer Nature jáne Clarivate Analytics kompaniiasynyń ókilderi izdenýshi ǵalymdar úshin ǵylymi jýrnaldardy tańdaý, avtorlyq instrýktsiiasy, sapaly ǵylymi maqala daiyndaýdyń joldary, qurylymdyq ǵylymi maqalalarmen jumys isteýdiń tártibi, zertteý jumysynyń qorytyndysyn qorytý, ǵylymi jýrnaldarmen hat almasý syndy mańyzdy baǵyttar boiynsha seminar-treningter ótti.
Ǵalymdardyń ǵylymi-tehnikalyq qyzmetin yntalandyrý, maqsatynda elimizdegi «jasyl» energetika salasyn zerttep, damýyna úles qosyp júrgen ǵalymdar marapattaldy. Marapattaýda ǵalymdardyń «jasyl» energetika salasy boiynsha joǵary siltemege ie bolǵan ǵylymi maqalalary nazarǵa alyndy.
Zaiadan Bolathan, biologiia ǵylymdarynyń doktory, ál-Farabi atyndaǵy QazUÝ professory
Shyntemirov Almas, tehnika ǵylymdarynyń kandidaty, PhD (Liverpýl ýniversiteti), Nazarbaev Ýniversitetiniń Robot tehnikasy zerthanasynyń jetekshisi
Ten Viktor, «Nazarbaev Ýniversitetiniń» oqytýshysy
Ibraev Niiazbek, fizika-matematika ǵylymdarynyń doktory, E.Bóketov atyndaǵy QarMÝ-diń professory
Bojko Larisa, Rýdnyi indýstrialdy ýniversitetiniń oqý isi jáne ǵylymi jumystar jónindegi prorektory
Habdýllin Áset, Rýdnyi indýstrialdy ýniversiteti energetika jáne aqparattyq júieler fakýltetiniń dekany
Habdýllina Záýresh, Rýdnyi indýstrialdy ýniversiteti elektreneregiiasy jáne jylý energetikasy kafedrasynyń jetekshisi.
Toqmoldin Nurlan, fizika-tehnika institýty
«UMǴTSO» AQ Qoǵammen bailanys bólimi
