Astanany betke alǵan jolaýshylardy komnapıa basshylyǵy sán-saltanatymen shyǵaryp saldy. Sharanyń uıytqysy bolǵan Raqym Táńirbergenov «búgin eki avtobýspen «Jolaýshy» JSHS-de qyzmet etetin 100 azamatty shyǵaryp salyp turmyz. Astanaǵa barǵanda áriptesterimizdiń jatyn orny tolyǵymen sheshilgen. Ondaǵy maqsatymyz - qyzmetkerlerimiz Astana qalasyn kórip, EKSPO kórmesin aralaýyna jaqsy jaǵdaı jasasaq degen nıetten týyndap otyr», - dedi.
Aıta keterligi, bul sapar shilde aıynyń 12-si kúni qaıta jalǵasyn tappaq. Ol kezde osyndaǵy Túrkistan ındýstrıaldy-tehnıkalyq kolejiniń ozat stýdentteri men oqytýshylar quramy elordamyz Astanaǵa attanbaq. Dál osyndaı ıgi sharalar aldaǵy ýaqytta da jalǵasyn tabady.
Túrkistan qalalyq ishki ister basqarmasynyń tártip saqshylary da R.Táńirbergenovtyń qoldaýyna ıe bolyp otyr. Qalalyq ishki ister basqarmasyna halyq qalaýlysynyń demeýshiligimen 20 bılet berilgen bolatyn. Búgingi jolǵa shyqqan jolaýshylar arasynda polısıa qyzmetkerleri de bar. Qaladaǵy jany jomart azamattardyń birinen sanalatyn R.Táńirbergenovke osy shara barysynda qalalyq ishki ister basqarmasynyń basshysy E.Qydyrbaev «Qazaqstan polısıasyna 25 jyl» merekelik medalin saltanatty túrde taqty.
Túrkistan qalasy ákiminiń orynbasary Ǵ.Rysbekov ıgilikti iske muryndyq bolyp otyrǵan R.Kólbaıulyna alǵys bildirip, jolaýshylarǵa sát-sapar tiledi.
