Qazyǵurt aýdany Jińishke aýyl okrýgindegi «Nur-Aıdar» sharýa qojalyǵy 3 jyldan beri tańqýraı ósirip keledi. Alǵashynda úı irgelik 7 sottyq jerge tańqýraı egip daǵdylanǵan Erkin Sherálıev búginde naǵyz bilgir mamanǵa aınalǵan. Qazir ol 3 gektar jerdi 49 jylǵa jalǵa alyp, kúnine 200 keli tańqýraı jınaýda.
«Tańqýraıdyń kelisin 700 teńgeden satyp jatyrmyz. Bul jemis daqylyń ár túbi 2-3 keliden ónim beredi. Al maýsymynda 1 gektardan 12 tonnaǵa deıin jemis jınaýǵa bolady. Jıyn –terim jumystaryna 20-ǵa jýyq aýyl turǵyndary tartylyp, ár qaısysyna kúnine bir keli terse 150 teńgeden aqy tólep jatyrmyz. Jumysshylardyń tamaǵy tegin. Mundaǵy jumysshylar kúnine orta eseppen 2000-3000 teńgeniń kóleminde aqsha tabady»,- deıdi qojalyq tóraǵasy Erkin Sherálıev.
Negizinen tańqýraı butaly kópjyldyq ósimdik sanalady. Jabaıy túrde azǵana bolsa da kóleńkeli jerde jaqsy ósedi. Osyny eskergen qojalyq aýyl irgesindegi qyratty aýmaqta arnaıy tańdapty. Qojalyq aldaǵy ýaqytta jemis kólemin 1,5 gektarǵa ulǵaıtamyn dep otyr. Sharýanyń jumys josparyna razy bolǵan oblys ákimi aýdan basshylyǵyna Qazyǵurt aýdanyndaǵy taýly aýyl okrýkterinde tańqýraı plantasıalaryn ulǵaıtýdy tapsyrdy.
«Biz osyndaı isker ári baǵban azamattarymyzdy qoldaýymyz qajet. «Nur-Aıdar» sharýa qojalyǵynyń tájirıbesin paıdalanyp, aýdanda tańqýraı ósirý isin jandandyrý qajet. Tipti osy qojalyq ózge sharýalardyń basyn qosyp, kooperatıv qurýyna kómektesýimiz kerek»,- dedi Janseıit Qanseıituly.
Munan soń oblys ákimi S. Raqymov aýyl okrýgindegi «Qazyǵurt» saýyqtyrý ortalyǵy men balalar lageriniń jumysymen tanysty. «Nurlan» sharýa qojalyǵynyń ıeligine qaraıtyn demalys aımaǵy 2011-2013 jyldary boı kótergen. Jalpy alańy 2 gektar jerde 44 oryndyq 11 kotedj, 2 qabatty demalys úıleri, sport alańy, ashana, baseıni bar. Jalpy demalys aımaǵyna 300 mln teńge ınvestısıa salynǵan. Demalys aımaǵynda budan bólek, atpen serýendeý jáne bıe ustalyp, saýmal ortalyǵy jumys isteıdi.
