«Uly dalanyń uly esimderi» jobasyn ózekti qylý, tańdaýdyń ǵylymi-negizdi talaptaryn qalyptastyrý jáne aqparattyq qoldaý jónindegi taldamalyq zertteý» jobasy aiasynda ótkizilgen is-sharany Sh.Sh.Ýálihanov atyndaǵy Tarih jáne etnologiia institýty men Q.A.Iasaýi atyndaǵy Halyqaralyq qazaq-túrik ýniversiteti birlese otyryp uiymdastyrdy.
Is-sharaǵa kásibi tarihshylar, kórnekti qoǵam qairatkerleri, memlekettik mekeme ókilderi men joǵary oqý oryndarynyń professorlyq-oqytýshy quramy, ǵylymi-zertteý institýttarynyń ǵalymdary, doktoranttar, magistranttar men stýdentter jáne BAQ ókilderi qatysty.
Dóńgelek ústeldiń moderatory – Q.A. Iasaýi at. Halyqaralyq qazaq-túrik ýniversitetiniń oqytýshysy, t.ǵ.d., professor – Tursyn Haziretáli boldy.
Sh.Sh. Ýálihanov atyndaǵy Tarih jáne etnologiia institýtynyń ǵylymi qyzmetkerleri S.Q.Shildebai men F.R.Lebaev jiynǵa qatysýshylardy «Uly dalanyń uly esimderi» ǵylymi jobasymen tanystyryp, onyń maqsaty men mindetteri jóninde baiandap berdi.
Bul Elbasynyń «Uly dalanyń jeti qyry» atty baǵdarlamalyq maqalasyndaǵy tapsyrmasyn oryndaý maqsatynda dúniege kelgenin aityp jetkizdi. «Tulǵalandyrý sipatyna ie bolǵan» otan tarihyn shynaiy túrde taldaý maqsatynda birtýar qairatkerlerdiń memlekettilikke, eldiń ǵylymy men mádenietine qosqan úlesin zertteý ózekti bolyp tabylady. Jobanyń maqsaty, onyń mindetteri, júzege asyrý úderisi jáne kútiletin nátijesi týraly aqparat berildi.
Jiynǵa qatysqan dintanýshy-ǵalym Zikiriia Jandarbek qazaq handyǵy bilik júiesindegi ózgerister týraly sóz qozǵady. Filosof Dosai Kenjetai tarihty jazý úshin tarihi sana, tarihi tanym, tarihi tájiribeni anyqtaý, ony túsiný jáne paidalaný kerektigin basa aitty.
Muhtar Qoja Uly esimder jobasyn arheologiialyq kózqaras turǵysynan qarastyrdy. Qazaq handarynyń kóbisi ońtústikte jatqanyn, birqataryn zerttegenin, áli de zertteýdi talap etetindigin aitty. Oraldan kelgen Súleimenov Sailaý Hamituly «Jáńgir han – reformator» atty taqyrypta baiandama jasap, jańa kózqarasta zertteýdiń qajettiligin atap ótti. Professor Dámetken Súleimenova Batys Alashorda týraly tyń málimetter keltirip, HQTÝ kitaphanasyna birqatar kitaptar syiǵa tartty.
Stýdentter qyzyǵýshylyqtary oianyp, sonymen qatar suraqtaryn qoiyp, ǵalymdarmen pikir almasty. Sońy pikirtalasqa ulasqan dóńgelek ústel joǵary deńgeide ótti.
Uly tulǵalar – ózderiniń mádeni-ǵylymi, rýhani-áleýmettik basymdylyqtary arqyly tarihtyń san alýan belesterinde el men jerdiń qajettilikterin anaǵurlym tolyq qanaǵattandyryp, onyń damýyna aitarlyqtai úles qosqan, atqarǵan qyzmeti óz ólkesiniń aiasynan shyǵyp, ártúrli tarihi dáýirler men kezeńderde búkil qazaq dalasyna tanymal bolǵan adamdar. Sonyń ishinde qazaq handyǵynyń kórnekti tulǵalaryn dáripteý, nasihattaý zor ideologiialyq jáne tárbieleý mańyzyna ie, óskeleń urpaqty otan súiý jáne joǵary deńgeili mádenietke baýlýǵa yqpal etedi.
Elbasy N.Á. Nazarbaevtiń «Uly dalanyń jeti qyry» baǵdarlamalyq maqalasyndaǵy tapsyrmalaryn oryndaý aiasynda Ataqty qazaq handary men sultandary, batyrlar men bileri elimizdiń simvoly ári maqtanyshy, onyń muraty ári ónegesi bolyp tabylady.
Dóńgelek ústeldiń túbi bir túrki áleminiń astanasy – Túrkistan qalasynda ótýi de zańdylyqtyń bir belgisi.
LEBAEV Farhat Rashiduly –
Sh.Ýálihanov atyndaǵy Tarih jáne etnologiia institýtynyń
Tarihi demografiia jáne QHA bóliminiń ǵylymi qyzmetkeri, PhD doktorant
