Shamalǵan stantsiiasynda bolǵan apat saldarynan 3 adam jaraqat alyp, bir adam qaza tapty. 2014 jáne 2016 jyly týylǵan balalar men 33 jastaǵy áiel Qarasai aýdandyq aýrýhanasyna jatqyzyldy. Zardap shekkenderdiń jaǵdaiy aýyr. Qazir olar jansaqtaý bóliminde, ázirge densaýlyqtaryna qatysty ózgeris joq.
2016 jylǵy balany diagnozy: bastyń jabyq jaraqaty. Midyń shaiqalyp, basqa qan ketýi. Keýde qýysyna jabyq jaraqat kelgen, sol jaq ókpe zaqymdanǵan, II-III deńgeide koma 2-3.
2014 jylǵy balanyń diagnozy: bastyń jabyq jaraqaty. Midyń shaiqalýy, oń jaqta sheke súieginiń synýy. Oń jaǵynda sýbdýraldy gematoma. II-III deńgeide koma.
1986 jylǵy naýqastyń diagnozy: jabyq bas jaraqaty. Midyń shaiqalýy. Oń jaq iyǵy shyǵyp, synyp ketken, Sol jaǵy iyǵy da shyqqan, I-deńgeidegi travmatikalyq shok.
"19 saǵat 26 minýtta jedel járdem stantsiiasyna ishinde 67 jolaýshysy bar avtobýstyń poiyzben soqtyǵysqany týraly habarlama kelip tústi. Oqiǵa ornyna 15 minýt ishinde 9 jedel járdem kóligi kelip jetti. 2014 jáne 2016 jyly týylǵan eki bala jáne 33 jastaǵy áiel Qarasai aýdandyq aýrýhanasyna jetkizildi. Zardap shekkenderdiń jaǵdaiy aýyr. Qazir olar jansaqtaý bóliminde" - dedi oblystyq densaýlyq saqtaý bólimindegiler.
Keibir derekter boiynsha, aýrýhanaǵa túskender bir otbasynyń múshesi, iaǵni anasy men eki balasy.
Aita ketsek, oqys oqiǵa 15 qyrkúiekte saǵat 19: 20-da bolǵan. Almaty-Qostanai jolaýshylar poiyzy avtobýspen soqtyǵysqan. (Shamalǵan stantsiiasy). Saldarynan avtobýs júrgizýshisi mert bolǵan, úsh adam aýyr kúide aýrýhanaǵa túsken. Aldynda osy oqiǵaǵa qatysty zardap shekkender toǵyz dep málimdelgen. Bul iske qatysty sotqa deiingi tergeý jumystary bastalyp ketti.
