«Seeds for the Future» baǵdarlamasyna qatysýshylardy marapattaý rásimi Almaty qalasynda ótti.
Bul – joba jas stýdentterdiń AKT men joǵary tehnologiialar salasyndaǵy daiyndyǵyn kúsheitip, bilim kókjiegin keńeitýge baǵyttalǵan.
Huawei kompaniiasy óziniń halyqaralyq baǵdarlamasy arqyly jas qazaqstandyq mamandardyń jasandy intellekt, 4G jáne 5G tehnologiia, bultty esepteý, internet salasy boiynsha bilimderin keńeitýge jol ashty.
Sonymen qatar, jobaǵa belsene qatysqan jastar arnaiy sertifikattar men estelik syilyqtardy da tabys etti.
Huawei kompaniiasy «Seeds for the Future» baǵdarlamasyn 2018 jyldan beri úzbei uiymdastyryp keledi. Baǵdarlama Qazaqstannyń IT salasyn qalyptastyrýǵa barynsha yqpal etip otyrǵan mańyzdy joba.
Dál qazir elimizdegi tsifrlandyrý salasynyń órisin keńeitý úshin IT salasy boiynsha joǵary bilikti mamandar daiyndaýdyń mańyzy zor. Sonymen qatar Qazaqstanda AKT salasynda meńgergen jastardyń shoǵyryn qalyptastyrý isi Huawei kompaniiasynyń bul baǵyttaǵy jumystaryna stimýl bolǵanyn atap aitýymyz kerek.
– Búginde IT-indýstriia salasynyń mańyzy artyp keledi. Bul – sala kez kelgen mamannan asqan biliktilikti talap etedi. Búginde eńbek naryǵy da mamandardan ózin udaiy damytyp, zaman talabyna sai bolýdy talap etýde. Sondyqtan bizder kúndelikti ómirde joǵary bilikti mamandardy kóptep daiarlaýǵa kúsh salýdamyz.
Osy rette QR Tsifrlyq damý, innovatsiialar jáne aeroǵarysh ónerkásibi ministrligi atynan Huawei kompaniiasyna «Seeds for the Future» baǵdarlamasyn uiymdastyrǵanyna rizashylyq bildiremiz. Baǵdarlamaǵa qatysýshylardyń mańyzdy ideialary aldaǵy ýaqytta elimizdiń damýyna yqpal etetine senimdimin, – dedi QR Tsifrlyq damý, innovatsiialar jáne aeroǵarysh ónerkásibi ministrliginiń Aqparattyq jáne aqparattyq-kommýnikatsiialardy damytý departamentiniń direktory Ersultan Ermanov.
Onlain-oqý barysynda álemge tanymal jetekshi mamandar qazaq jastarymen ózderiniń is-tájiribesin (5G, bultty tehnologiialar jáne jasandy intellekt t.b.) bóliskenin aita ketýimiz kerek.
– Búginde Qazaqstannyń IT-salasy qarqyndy damyp, álemdik úrdisterge ilesýde. Osy rette bizdiń jas stýdentterdiń aldyńǵy qatarly tehnologiialardy qoldanyp, olarmen jumys mańyzdy.
IT-ge qyzyǵatyn qazaq jastary Huawei kompaniiasynda is-tájiribeden ótip, bilimderin shyńdaýy úshin kez kelgen ýaqytta ótinish bere alady.
Bizdiń kompaniianyń talantty jastar úshin árqashan esigi ashyq, ári jastardyń ideiasyna udaiy qoldaý kórsetetin bolady, – dedi Huawei Technologies Kazakhstan Bas direktory apparatynyń jetekshisi Farida Tóleýbaeva.
«Seeds for the Future» baǵdarlamasynyń ishindegi Tech4Good toptyq baiqaý jobasyna (tehnologiia halyqtyń qamy úshin, red) qatysýshylar eldegi áleýmettik máselelerdiń túiinin tarqatyp, oǵan qatysty tehnikalyq máselelerdi sheshýge kúsh salady.
Biyl baiqaýǵa qatysýshylar ekologiia men qorshaǵan ortaǵa qatysty jobalarǵa basymdyq berip, aqyly túrde plastik bótelkelerdi qabyldaityn apparattyń kontseptsiiasyn jasap shyǵardy.
– Biz plastik bótelkelerdi qabyldaityn joba boiynsha jumys istedik. Mundai qurylǵylar damyǵan elderde qoldanysqa ie, al Qazaqstanda mundai apparattar joq. Sondyqtan mundai qurylǵy bizde úlken suranysqa ie.
Bizder bul joba arqyly aqsha tabýdy kózdegen joqpyz.
Bizdiń maqsatymyz – qoǵamdyq ómirimizde qorshaǵan ortany qorǵap, ekologiiany saqtaýdy halyq arasynda nasihattaý.
Jastarǵa kreativti dúnielermen ainalysýǵa múmkindik bergen Huawei kompaniiasyna alǵys aitamyz, – dedi Almaty energetika jáne bailanys ýniversitetiniń stýdenti Kemal Seidýáliev.
Huawei kompaniiasynyń «Seeds for the Future» baǵdarlamasy dúniejúzindegi stýdentterdiń túrli innovatsiia men kóptegen salalardyń damýyna yqpal etip otyrǵan AKT salasy boiynsha biliktiligin kóterýge jol ashatyn mańyzdy joba.
Baǵdarlama talantty jastardy qoldap qana qoimaidy, sonymen qatar bilimin shyńdap, bolashaqta mansabyn joǵarlatýǵa múmkindik týǵyzady. Baǵdarlama barysynda ózin jaqsy qyrynan kórsetken stýdentter Huawei kompaniiasynda is-tájiribeden ótip, tipti, áigili kompaniiaǵa jumysqa turyp ketýi de múmkin.
