Ol álemdik qaýymdastyqtyń qyzyǵýshylyǵyn týǵyzyp, qazir keńinen talqylanýda. Álem qaýymdastyǵyna usynylǵan bul kitap qazaqtyń uly aqyny Abaidyń poetikalyq jáne qara sózderi arqyly búgingi kúnniń máselesin kóterýde ýaqyt pen keńistikti eńseretin epikalyq jumys bop tabylady.
Bolashaqty boljaý ár kezde ońai bolmaǵan, mine osyndai aýyr júgi bar ǵylymi eńbek tek Qazaqstan men Ortalyq Aziia elderi ǵana emes, sonymen qatar barlyq álemge tán birqatar máseleniń basyn shalady. „Tehnologiialyq„ bolashaqqa kóz juma ilesip, júitkip bara jatqan myna biz neni tysqary qaldyryp jatyrmyz? Basty nazar aýdartatyn da tus osy onda.
Orazaly Sábdenniń sheteldik basylym basyp shyǵarǵan bul ekinshi kitaby, negizi. Aldynda, iaǵni 2016 jyly Londonda ótken “Open Eurasian Literature Festival&Book Forum” atty V ádebi festivali kezinde Ábdimálik Áshirovpen birge jazǵan “The Conceptual Strategy for Humankind’s Survival in the XXI Century and Food Security” kitabynyń tusaýy kesilgen edi. Bul tek Orazaly Sábdenniń ǵana emes, jalpy Qazaqstan ekonomikasy ǵylymynyń qol jetkizgen úlken jetistigi dep baǵalanǵan edi sol kezde.
Sondai-aq ol aǵylshynnyń ǵylymi qaýymdastyǵy tarapynan úlken qoldaýǵa ie bolǵan Qazaqstan ekonomikasynyń tarihy týraly alǵashqy eńbek. Qazaq ǵalymynyń eńbegine Nobel syilyǵynyń teń iegeri, Vashington akademiiasynyń akademigi S.Timashevtiń ózi oń pikir jazyp qaldyrǵan. Ulybritaniiadaǵy baspanyń málimetinshe, búginderi bul kitap Avstraliia, Jańa Zelandiia, Kanada, Shvetsiia, Niderlandy, Daniia, Ulybritaniia jáne AQSh syndy elderde satylymǵa shyǵarylǵan. Odan bólek álemdegi eń myqty degen 200 ýniversietettiń kitaphanasyna jóneltilgen.
Aǵylshyn baspasy akademik Orazaly Sábdendi Ortalyq Aziiadan shyqqan myqty ǵalym, Qazaqstan ǵalymdary odaǵynyń prezidenti, akademik, QR Parlamentinde tórt ret depýtat bolǵan,
ol álemdik ǵylymi oidyń epitsentrinde jarq etken ǵalamdyq masshtabtaǵy ózgege uqsamaityn jemisti ideialarymen tanylǵan Ortalyq Aziianyń túkpirinen shyqqan ǵalym dep tanystyrady.
Aita ketelik, biyl 16 jyldyǵyn atap ótpek “Hertfordshire Press“ aǵylshyn baspa úii Eýraziia qurlyǵyndaǵy ǵylymi eńbekterdi iriktep, jariialap, álemge osy óńirdiń ómiri men halqyn, jai-kúii men turmys-tirshiligin nasihattaidy. 16 jyl ishinde bul baspa 65 avtordyń 130-dan astam kitabyn basyp shyǵarǵan. Sonyń ishinde qazaq ǵalymynan osy kisi — Orazaly Sábden de bar.
