Qarjylyq monıtorıń agenttigi Qaısar Qamzaǵa halyqaralyq izdeý jarıalady, dep habarlaıdy Dalanews.kz
Sot oǵan "qamaýda ustaý" túrindegi bultartpaý sharasyn sanksıalaǵan. Ol zańsyz oıyn bıznesine járdemdesti degen kúdikke ilingen.
"Kúdikti 5 jyl boıy Instagram áleýmettik jelisinde qais_arr ataýymen (2,4 mln jazylýshy) belsendi blogerlik qyzmet júrgizip, sondaı-aq, Telegram-daǵy "Qora enterteınment" jabyq arnasyn (368 myń jazylýshy) basqarǵan. Kúdikti áleýmettik jelilerdegi jeke akkaýnttaryn paıdalana otyryp, Qazaqstan Respýblıkasynyń azamattary úshin Pinco saıtynda tirkelýge jáne qumar oıyndarǵa qatysýǵa baǵyttalǵan tikeleı siltemelerdi, grafıkalyq elementterdi jáne úndeýlerdi qamtıtyn beınematerıaldar men jazbalardy júıeli túrde ornalastyrǵan. Sonymen qatar, beınerolıkterdiń astynda paıdalanýshylarǵa bonýs beretin jeke promokodyn kórsetken. Osylaısha, Qamza azamattardy qumar oıyndarǵa tartýǵa baǵyttalǵan onlaın platformany jarnamalap, oıyn platformasynan syıaqylar, bonýstar nemese paıyz aýdarymdary túrinde tabys alyp otyrǵan", - dep jazylǵan habarlamada.QMA málimetinshe, zańsyz jolmen alynǵan kiristi jasyrý maqsatynda kúdikti krıptoámıan paıdalanǵan. Oǵan Pinco ınternet kazınosynyń uıymdastyrýshylarynan tólemder túsip otyrǵan.
Sot sanksıasymen 182 736,741 USDT kólemindegi krıptoaktıvterge tyıym salyndy.
Eske salaıyq, buǵan deıin izdeý jarıalanǵan bloger Qaısar Qamza málimdeme jasady.
