2026 jylǵy 2 naýryzda Iliias Jansúgirov atyndaǵy Jetisý ýniversitetine italian tili oqytýshysy Alessandro Grassi jáne «Letteratè» italian tilin meńgerý ortalyǵynyń direktory Liýbov Grassi resmi issaparmen keldi, dep habarlaidy Dalanews.kz.
Bul sapar ýniversitettiń halyqaralyq yntymaqtastyǵyn keńeitý jáne shetel tilderin oqytý sapasyn arttyrý baǵytyndaǵy júieli jumysynyń jalǵasy boldy.
Kezdesý barysynda ýniversitet basshylyǵymen Marke politehnikalyq ýniversiteti filialy stýdentteri men oqytýshylaryna italian tilin oqytý isin jetildirý, oqý-ádistemelik bazany kúsheitý, birlesken bilim berý jobalaryn júzege asyrý jáne aldaǵy ýaqytta akademiialyq bailanystardy nyǵaitý máseleleri jan-jaqty talqylandy. Taraptar tildik daiyndyqty halyqaralyq standarttarǵa sáikestendirý, tájiribe almasý jáne bolashaqta ortaq baǵdarlamalar uiymdastyrý múmkindikterin qarastyrdy.
Sonymen qatar, Alessandro Grassi kýrsqa qatysýshy stýdentter men oqytýshylarǵa arnap interbelsendi formatta ashyq sabaq ótkizdi. Sabaq barysynda tyńdaýshylar italian tiliniń sóileý mádenieti, durys dybystaý, kúndelikti qarym-qatynasta qoldanylatyn tildik qurylymdar jáne zamanaýi oqytý ádisterimen tanysty. Praktikalyq tapsyrmalar arqyly qatysýshylar tildik daǵdylaryn jetildirip, italian tilin naqty jaǵdaiattarda qoldaný tájiribesin aldy.
Aita ketý kerek, atalǵan italian tili kýrsy 2025 jylǵy 12 jeltoqsanda bastalǵan. Búginde kýrs onlain jáne oflain formatta júrgizilip, stýdentter men oqytýshylardyń tildik quzyrettiligin arttyrýǵa baǵyttalǵan. Baǵdarlama qatysýshylarǵa sheteldik áriptestermen erkin qarym-qatynas ornatýǵa, akademiialyq jáne mádeni bailanystardy damytýǵa múmkindik berip otyr.
