Janar SANHAEVA:
Sońǵy jyldary adami jáne áleýmettik kapitaldyń taqyryby bilim, innovatsiia jáne teń múmkindikter qaǵidattarynda qalyptasatyn «jańa ekonomikanyń» mańyzdylyǵyn birneshe ret atap ótken akademiialyq qaýymdastyq pen saiasi qairatkerlerdiń jiti nazarynda.
Prezident Qasym-Jomart Toqaev taiaýda Ulttyq keńestiń otyrysynda densaýlyq saqtaý, bilim berý jáne halyqty kásibi daiarlaý máselelerin qozǵaǵan birqatar bastamalar jaiynda aitty.
Memleket basshysy qyzyqty málimdemelerge súienip, adami kapitaldyń damýy jáne bilim berý júiesiniń tiimdiligi erekshe oryn alatyn eldiń turaqty damýynyń negizgi faktoryna ainalatynyn atap ótti.
Osyǵan bailanysty jańa bilimdi, quzyrettilikti jáne daǵdylardy meńgerýdiń qajetti sharty retinde bilimge ádil jáne teń qol jetkizýdi uiymdastyrý aiqyndaýshy mánge ie.
Óz kezeginde qazirgi jaǵdaida qashyqtan bilim berýdiń ósip kele jatqan máni bar. Sońǵy ailardyń tájiribesi kórsetkendei, elimizdegi bilim berý júiesiniń osy oqý nysanyn qamtamasyz etý úshin tiisti quraldary joq ekendigi aiqyndaldy.
Atap aitsaq, qashyqtan bilim berý bilimniń qoljetimdiligin arttyrýǵa múmkindik beretin keń taraǵan halyqaralyq tájiribe bolyp tabylady. Dástúrli jáne zamanaýi oqytý tehnologiialarynyń aralas tájiribeleri Ońtústik Koreia, AQSh, Singapýr, Finliandiia syndy elderde belsendi qoldanylady.
Bul elderdegi alǵashqy qadamdardyń biri elektrondyq oqýlyqtardyń paidasyna qaǵaz oqýlyqtarynan bas tartý boldy. Máselen, Singapýrda Bilim ministrligi Singapore student learning space onlain-platformasyna qoldaý kórsetýde, ol barlyq oqýshylarǵa bastapqy deńgeiden joǵary oqý ornyna deiingi bilim alýshylarǵa negizgi pánder boiynsha sapaly oqý resýrstaryna teń qol jetkizýge múmkindik beredi.
Bilim Media Group negizin qalaýshy jáne jetekshisi Raýan Kenjehanulynyń málimetterine sáikes, qazirgi ýaqytta BilimLand onlain-platformasyna 3 millionnan astam paidalanýshy kirip, kórý sany 75 millionnan asqan. Úlken belsendilik YouTube-platforma arnasyna 15 millionnan astam qaraldy.
Osy jerden Qasym-Jomart Toqaevtyń karantindik rejimdi aiaqtaý qashyqtan bilim berýdi belsendi engizýdi aiaqtaý úshin sebep bolmaýy tiis degen eskertýi ádil bolyp tabylady. Al olarǵa qajetti zańnamalyq, ádisnamalyq jáne uiymdastyrýshylyq jaǵdailar jasaý tapsyrmasy bilim berý salasyndaǵy qazirgi zaman shyndyǵy men jańa talaptarǵa jaýap beredi.
