Mamandyqty qalai tańdaý kerek?
Mamandyq tańdaý barysynda jas túlek «Men qalaimyn», «Meniń qolymnan keledi», «Maǵan kerek» dep, óz qabilettilikterin, ishki senimderi men naqty múmkindikterin eskerý qajet.
Unaityn mamandyqty tańdaý jáne ómir boiy ózińizdi qamtamasyz etý úshin aldymen adam ózin tanyp, muqiiat zertteý qajet. Eń aldymen qyzyǵýshylyǵyńyzdy, beiimdiligińizdi, minez sipaty men fizikalyq múmkindikterińizdi jaqsy túsine alý kerek. Negizgi qasietterińiz ben baiqalmaityn qasietterińizdi anyqtaý qajet. Ary qarai ózińizge sáikes keletin mamandyqtardy tańdaý kedergi týyndamaidy. Osydan keiin ǵana oqý ornyn tańdaý qajet. Eń bastysy joǵary oqý ornyndaǵy oqý protsesiniń ózindik talaptaryn da esepke alý kerek. Mamandyq tańdaýda ata-analar, týystar muǵalimder jáne tanys adamdar kómek kórsete alady. Biraq árbir jas túlek óziniń múmkindikterin jaqsy biledi.
Keibir ata-analar balalarynyń múmkindikterin eskermei, ózderiniń qalaýlaryn tańdaýǵa májbúrleidi. Ol ata-ananyń júzege aspaǵan armany bolýy múmkin. Men jas kezimde dáriger mamandyǵyn jaqsy kórdim. Biraq jolym bolmady. Endi balamnyń dáriger bolǵanyn qalaimyn. Osyndai jaǵdailar týyndap qalsa, óz múmkindigińizdi jáne júrek qalaýyn tyńdap kórińiz. Aldyńyzǵa qoiylǵan maqsattardan sheginýge bolmaidy.
Oqý ornyna túskennen keiin resmi mamandyq alý bastalady. Neǵurlym sapaly bilim alý úshin qandai da bir jospar jasaýǵa bolady. Negizgi jáne qosymsha maqsattarǵa bólý. Osy maqsattarǵa qol jetkizýdiń joldary men quraldaryn aiqyndaý. Múmkin bolatyn qiyndyqtar men kedergilerge qarsy kúresý úshin óziniń ishki kúshterin shoǵyrlandyrý.
Mamandyq tańdaýda jiberiletin qateler:
- Bedeldi kásipterdiń jeteginde ketý;
- Ata-anasy úshin mamandyq tańdaý;
- Mamandyqty tańdaýǵa aqparattardyń jetkiliksizdigi;
- Óziniń psihologiialyq ereksheligin túsine almaý;
- Basqalar ne tańdasa, sony tańdaý;
- Grant kóp beriletin mamandyqtardy tańdaý;
- «Diplom alsam boldy» degen pikirdi ustaný.
Osyndai qatelikter jiberilmes úshin ne isteý kerek?
1.Balalyq shaqty eske alyńyz.Bala kezińizde sizde qandai úmit pen arman boldy?
2.Ózińizdi tolyq zertteńiz.
3.Jeke tulǵanyń profilin jasańyz.
4.Basqalardyń sizdi qalai kóretinin bilip, ózińizdi jaqsy túsinip alyńyz.
5. Jaqyn dosyńyzdan, otbasy múshelerinen nemese senimdi adamnan sizdi sipattaityn 10 kilt sóz jazýdy surańyz. Olar sizdiń baǵalaýyńyzben sáikes keletinine nazar aýdaryńyz.
6. Pedagog mamandyǵynyń bes negizgi baǵytyn belgileńiz. Marker nemese basqa quralmen siz úshin eń tartymdy eki baǵytyn tańdańyz. Nege olar qyzyǵýshylyq týdyrady? Bul baǵytqa qandai ómirlik tájiribem bar. Bolashaqta bul baǵytyn qalai kóre alamyn. Olar sizdiń jeke basyńyz ben qundylyqtaryńyzǵa qalai sáikes keledi?
7.Sizdiń temperamentińizdi eskerý qajet.Jumys stili soǵan bailanysty.
Sangvinikter - senimdi qyzmetkerler. Olarǵa bir saryndy jáne baiaý jumys unaidy. Shydamdylyq pen tapqyrlyqqa qabilettiligin iske asyratyn tiri jáne qozǵalmaly jumys qajet.
Holerikterge tsikldik jumystar unaidy. Mundai jumystar olarǵa tabys ákeledi.
Flegmatik kez-kelgen áreketterdi únemi jyldam oryndaýdy talap etpeitin oqý jáne óndiristik jumysqa beiimdi. Olar úshin eń bastysy jyldamdyq emes,jumys sapasy turady.
Melanholik sangvinikaǵa tolyq qarama-qarsy. Sonymen qatar, onyń jumys ónimdiligi kóńil-kúige tolyǵymen bailanysty. Sondai-aq, tańdaý kezinde qandai mamandar qandai da bir salada suranysqa ie bolatynyn eskerýdi umytpańyz.
Eger siz pedagog mamandyǵyn tańdaǵan bolsańyz, muǵalim mamandyǵy týraly aqparatty elimizdiń jetekshi joǵary oqý orny - Abai atyndaǵy Qazaq ulttyq pedagogikalyq ýniversitetiniń saitynan ala alasyz.
