Qara shańyraq QazUÝ-dyń bilim berý baǵyty
Báseke úderisinde adam resýrsyn sapaly damytýdyń mańyzy óte zor, sondyqtan naryqtyq ekonomikaǵa beiimdelgen básekege qabiletti, jańa zamanda jańasha oilaityn, kásibi quzyretti jeke tulǵany daiyndaý shart.
Bilikti maman daiarlaý – joǵary oqý ornynyń birtutas quramdas bóligi, onyń negizgi sýbektisi JOO oqytýshysy bolyp tabylady.
BUU-nyń bastaýymen alǵash ret «turaqty damý» kontseptsiiasy usynyldy. «Turaqty damý maqsattary» – qazirgi ýaqyttyń qajettiligin qamtamasyz ete otyryp, bolashaq urpaqtardyń óziniń qajettilikterin qamtamasyz etýine qaýip týǵyzbaityn damý.
Turaqty damý maqsattary kontseptsiiasynyń 4 maqsaty-sapaly bilim ekenin eskere otyra, ál-Farabi atyndaǵy Qazaq ulttyq ýniversitetinde 2023-2024 oqý jylyna 30-dan astam jańa bilim berý baǵdarlamasy ázirlendi.
Qara shańyraqtaǵy bilim berý baǵdarlamalary jetildirý jáne jańartý tapsyrmalaryna sáikes jasaldy. QazUÝ-dyń Bilim berý baǵdarlamalaryn jobalaý keńsesiniń málimetinshe, biylǵy oqý jylyna ýniversitette jańadan ázirlengen bilim berý baǵdarlamalary bakalavriatta – 10, magistratýrada – 21, doktorantýrada – 5. Sondai-aq 120-dan astam bilim berý baǵdarlamalary jańartyldy, onyń ishinde bakalavriat – 47, magistratýra – 73, doktorantýra – 3.
Bilim berý baǵdarlamasy – oqytýdyń maqsatyn, nátijeleri men mazmunyn, bilim berý protsesin uiymdastyrýdy, olardy iske asyrý tásilderi men ádisterin, oqytý nátijelerin baǵalaidy.
QazUÝ-dyń bilim berý baǵdarlamalary mynadai qurylymǵa ie:
* Bakalavriat - bilim berý baǵdarlamalary tiisti mamandyq boiynsha bakalavr dárejesin beretin kadrlardy daiarlaýǵa baǵyttalǵan joǵary bilim. Oqý merzimi – 4 jyl.
*Magistr deńgeii-bilim berý baǵdarlamalary daiarlaýdyń eki baǵyty boiynsha júzege asyrylady: ǵylymi-pedagogikalyq jáne beiindi – túlekterge keiinnen ǵylymi, pedagogikalyq, basqarýshylyq jáne saraptamalyq qyzmetpen tabysty ainalysýǵa múmkindik beretin tereńdetilgen mamandandyrylǵan kásiptik daiarlyqty qamtamasyz etedi.Oqý merzimi-2 jyl.
* Doktorantýra- bilim berý baǵdarlamalary ǵylymi,kásiptik qyzmet úshin kadrlar daiarlaýǵa baǵyttalǵan,doktor dárejesin bere otyryp, joǵary oqý ornynan keiingi bilim. Doktorantýrada oqý merzimi – 3 jyl.
Qazirgi ýaqytta Ál-Farabi atyndaǵy QazUÝ bilim berý jáne ǵylymi-innovatsiialyq qyzmet nátijelerine qol jetkizýge baǵyttalǵan damý baǵdarlamasyn iske asyrýda.
Bizdiń ýniversitet QS jahandyq reitinginde álemdegi eń úzdik ýniversitetter arasynda 230-orynda, sondai-aq ulttyq jáne halyqaralyq reitingterde aldyńǵy oryndarda ekeni barshaǵa málim.
Ýniversitet eldiń áleýmettik-ekonomikalyq damýyna qosqan úlesin arttyrý úshin ǵylym men bilim berýdiń naqty integratsiiasyna baǵyt aldy. Álemniń joǵary oqý oryndary jáne ǵylymi ortalyqtarymen strategiialyq áriptestik júzege asyrylady.
Qos diplom baǵdarlamalary, halyqaralyq jobalar,jáne bilim alýshylardyń akademiialyq utqyrlyǵy tabysty júrgizilýde. Ýniversitet túlekteri Qazaqstandaǵy jáne dúnie júzindegi jumys berýshiler tarapynan joǵary suranysqa ie.
Ýniversitettiń óndirispen tyǵyz bailanysy bar, bul stýdentterge praktikalyq tájiribe jinaqtaýǵa jáne kásibi daǵdylaryn damytýǵa mol múmkindikter beredi.
Zań fakýltetiniń azamattyq quqyq jáne azamattyq is júrgizý, eńbek quqyǵy kafedrasynyń professorlyq-oqytýshylyq quramy qara shańyraqtyń bilim berý jáne ǵylymi áleýetin eskere otyryp,sapaly bilim berip,myqty maman daiaýlaýǵa kúsh salýda.
Oqý ordamyz aldaǵy ýaqytta da joǵary bilim berý salasyndaǵy kóshbasshy bolyp qala beretinine senimimiz mol.
Eslamǵaliev J.R.,
ál-Farabi atyndaǵy QazUÝ-dyń zań fakýlteti azamattyq quqyq jáne azamattyq is júrgizý, eńbek quqyǵy kafedrasynyń aǵa oqytýshysy,z.ǵ.m
