Osy kúni oblys basshysy qalany jylýmen jáne ystyq sýmen qamtamasyz etip otyrǵan «Qapshaǵai jylý» mekemesine bardy. Mekeme direktory Seidahmet Dadanbekovtiń aitýynsha, qazandyqtyń qýaty 192 Gkal. 2019-2020 jylǵy jylytý maýsymynda 800 mln. teńge bólinip, qazandyq gazǵa aýystyrylǵan. Mundaǵy 10 qazandyqtyń bárine kúrdeli jóndeý júrgizilgen. Sonymen qatar gazǵa qosylǵannan keiin jylý men ystyq sý berý qyzmetiniń tarifin ósirý týraly usynys qazir tiisti organda berilgen, qazir qaralýda. Oblys basshysy kórsetilgen qyzmet tólemi mekeme shyǵynyn jabatyn deńgeide bolýy kerektigin aitty.
Qaladaǵy mańyzdy nysandardyń biri «Qapshaǵai sý arnasy» MKK-nyń káriz tazartý ǵimaratynyń jai-kúii de oblys basshysynyń nazarynan tys qalǵan joq. Munda turmystyq jáne óndiristik sarqyndy sýlar jinaqtalyp, tazalanady. Káriz júiesiniń uzyndyǵy 171,6 km quraidy. Degenmen 1963 jyly salynǵan tazartý júiesiniń tozyǵy jetip-aq tur. Sondyqtan memlekettik-jekemenshik áriptestik negizinde jańa káriz tazartý ǵimaratynyń jobasy daiyndalǵan. Oblys ákimi joba boiynsha táýligine 30 myń m3 dep qarastyrylǵan ǵimarattyń qýattylyǵyn shamamen 15 m3 dep jobalaǵan jón ekenin aitty. Aldaǵy ýaqytta qajettilik týyndap jatsa, ony kezeń-kezeńge bólip jalǵastyrýǵa bolady. Sol siiaqty jobany qarjylandyrý kózderin áli de keńinen talqylap, anyqtaiyq degen usynysyn bildirdi.
Dál osyndai taqyryp «Qapshaǵai jylý» kásipornynyń Zarechnyi aýylyndaǵy filialynda jalǵasty. Mundaǵy tehnologiialyq tazartý jelileri de eskirgen. Sondyqtan sol aýmaqqa jańa shaǵyn aýdan salynatynyn eskere otyryp, ǵimarattyń irgesin keńeitýge, qazandyqtardy gazǵa aýystyrýǵa, elektr berý jelilerin qalpyna keltirýge, sonymen birge Zarechnyi aýylynyń kóshelerin jóndeýge, Mádeniet úiin jáne sport keshenin salýǵa qarjy qajet. Oblys basshysy Qanat Bozymbaev aitylǵan máselelerdiń barlyǵyna qoldaý kórsetiletinin, qurylys jobalarynyń qajetti qujattaryn daiyndap bastaýdy tapsyrdy.
Osy kúni oblys ákimi qurylysqa qajetti materialdar óndiretin «Knaýf Gips Qapshaǵai» zaýytynda bolyp, kásiporyn tsehtaryn aralap kórdi. Sondai-aq «Ospanov Development» JShS-nyń balyq ónerkásibi keshenin salý jobasymen tanysty. Teńiz balyǵyn ósirýdi qolǵa alatyn joba eki kezeńmen iske asyrylmaq. Birinshi kezeginde 1 myń tonna, ekinshide 10 myń tonna qýattylyqqa shyǵady. Qazir qurylys qarqyndy júrip jatyr. Tartylyp otyrǵan investitsiia kólemi – 67,3 mlrd teńge. Ázirge kásiporyn qurylysy alańyna ýaqytsha elektr energiiasy berilip otyr. Degenmen joba jetekshileri 1-shi kezegi aiaqtalatyn mamyr aiyna qarai elektrmen turaqty qamtý máselesi týyndaitynyn aitty. Bul máseleni sheshýdi Qanat Aldabergenuly qala ákimdigine tapsyrdy. Jáne teńiz balyǵyn ósirýdiń óte jaqsy joba ekenin tilge tiek etip, onyń alǵashqy jumys nátijesin kórýge aldaǵy mamyr aiynda keletinin aitty.
Sol siiaqty osy kúni Qanat Bozymbaev Qapshaǵaidaǵy oiyn-saýyq-saýyqtyrý kesheni qurylysynyń barysymen de tanysty. «PSK Bilding» JShS qurylysyn júrgizip jatqan keshen týrizm salasynyń irgeli nysany bolmaq. Munda kottedj úiler, basseinder, monsha kesheni, meiramhana, avtoturaq, balalar oiyn alańy, serýendeitin alań qarastyrylǵan. Jobalyq quny 5 mlrd. teńge bolatyn nysan 2023 jyly iske qosylady dep josparlanyp otyr.
Qala aktivimen kezdesken oblys ákimi Qanat Bozymbaev Qapshaǵai óńiriniń ózekti máseleleri retinde Qosqudyq aýylyndaǵy aýyz sý, jaryq, jol problemalaryn, mektep pen meditsinalyq pýnkttiń tozyp ketkenin, jaiylymdyq jer jetispeýshiligin atap kórsetti. Sol siiaqty Sheńgeldi massivindegi 15 myń gektar jerdiń búgingi kúni bar bolǵany 6 myń gektary ǵana paidalanylyp otyr. Sýarmaly jeliler ábden eskirgen. Káriz júieleri de tozǵan. Bul máselelerdiń barlyǵyn 2 jyl kóleminde atqarylatyn arnaiy josparǵa engizip, tiisti qujattaryn daiyndap, jumys júrgiziletin bolady.
– Qapshaǵai – Almaty qalasymen shekarlas ornalasqan, kólik logistikalyq infraqurylymy damyǵan qala. Bul ekonomikanyń ósýine oń yqpal etip otyr. Degenmen áli de kóńil bóletin máseleler bar. Densaýlyq saqtaý salasynda, sonyń ishinde indetke qarsy vaktsinatsiia jasaýmen júieli ainalysý kerek. Halyqty jumyspen qamtýǵa, áleýmettik áljýaz toptarǵa, kóp balaly otbasylarǵa jaǵdai jasaýǵa, turǵyndardy baspanamen qamtamasyz etýge erekshe nazar aýdarý kerek. Shaǵyn jáne orta bizneske, jańa investitsiialyq joabalarǵa qoldaý kórsetý de basymdyq bolýy tiis. Bulardyń barlyǵy - Prezidenttiń aldymyzǵa qoiǵan mańyzdy mindetteri. Bul baǵytta biz birigip jumys isteitin bolamyz, – dedi Qanat Bozymbaev.
