«Almaty - Bishkek» avtojolynyń «Altyn Orda» bazary mańyndaǵy ýchaskesi iske qosyldy
Sharada quttyqtaý sóz sóilegen Almaty oblysynyń ákimi Qanat Bozymbaev óńirde «Nurly jol» baǵdarlamasy jáne Almaty aglomeratsiiasy aiasynda jol infraqurylymyn jaqsartý baǵytynda atqarylǵan istergetoqtalyp ótti.
- Memleket basshysy Qasym-Jomart Toqaevtyń Almaty aglomeratsiiasyn damytýdaǵy tapsyrmalarynyń biri - transporttyq model qurý jáne kólik infraqurylymyn jaqsartý. Osy mindetterge sáikes búgin estakada arqyly kólik qozǵalysy ashylyp otyr. Bul óz kezeginde megapolisten shyǵatyn kólik jolyn barynsha bosatýǵa múmkindik beredi. Joba sheńberinde joldyń júrý bóligine 8-10 qozǵalys jolaǵyna deiin keńeitý júrgizildi. Burylý estakadalary jáne uzyndyǵy 600 metr bolatyn negizgi magistraldyq estakada salyndy. Sondai-aq, úsh jerústi jaiaý júrginshi ótkeli boi kóterdi. Sonymen qatar turǵyndardyń «Altyn orda» saýda ortalyǵyna qatynaý jolyn jeńildetip, shaǵyn kásipkerlikti damytýǵa septigin tigizedi, - dedi Qanat Bozymbaev.
Jol ázirge asfalttyń sońǵy tóseminsiz iske qosyldy. Ol tehnologiialyq talaptarǵa sáikes aýa raiy jylyǵan kóktem kezinde tóseledi. Jalpy ýchaskeniń uzyndyǵy – 3,86 shaqyrym. Jol qurylysy barysynda merdiger mekeme «Sine Midas Stroi» kompaniiasynyń 224 mamany men 55 birlik tehnika jumys istedi.
