Qanat Bozymbaev: «Saiajai turǵyndarynyń máselelerin sheshý basymdyq berilý kerek»
Sapar barysynda Qanat Bozymbaev Ótegen batyr aýylyndaǵy Servistik ákimdik ǵimaratynyń halyqqa qyzmet kórsetý múmkindikterimen tanysty. Qosózen aýylynda biylǵy oqý jylynda qoldanysqa berilgen №50 orta mektepti de aralap kórdi. Munda jalpy sany 630 bala oqidy, sonyń 300-deii aýyl mańyndaǵy 12 saiajaidan kelip bilim alady. Mektepte balalarǵa sapaly bilim berýge barlyq jaǵdai jasalǵan.
Sol siiaqty Qanat Aldabergenuly tolyq iske qosylǵanda 84,8 mlrd. teńge investitsiia tartylyp, 1 myń turaqty jumys ornyn ashatyn «Sokol» sporttyq tehnikalyq kesheninde de boldy.
Ótegen batyr aýylyndaǵy alleiaǵa atbasyn tirep, munda eldi mekendi abattandyrý josparymen tanysty. Aýdan ákimi Baǵdat Qarasaev turǵyn úilerdiń aýlalary men balalar oiyn alańdaryn abattandyrýdyń eskizdik jobalary, kóp qabatty úilerdiń qasbetteri men shatyrlaryn jóndeý jumystary jaily aityp berdi. Iaǵni osy alleianyń boiyndaǵy úilerdiń qasbetteri bir sáýlettik kelbetke keltiriledi. Sol siiaqty kóp páterli úsh úi men 100 kottedjdiń, aýdandyq mádeniet úii men sport kesheniniń jobalary tanystyryldy.
Aýdan ákimi Ile óńirindegi saiajailardyń infraqurylymdyq máselelerin sheshýdiń jospar-jobalaryna jeke toqtaldy. Onyń aitýynsha, biylǵy jyly 234 mln. teńgege 18 saiajai birlestigine aparatyn 6,9 km jol jasalǵan. «Jomart» jáne «Cheremýshki» saiajailaryna aýyz sý jáne elektrmen qamtý júielerin kúrdeli jóndeýdiń jobalyq-smetalyq qujattary daiyndalýda.
Bul máselege oblys ákimi Qanat Bozymbaev aýdan aktivimen kezdesýinde erekshe mán berip, jiyn barysynda keleli problemalardy talqylady. Jáne eń basty mindet – Prezidenttiń halyqqa Joldaýynan týyndaityn mindetter men memlekettik baǵdarlamalardy nátijeli oryndaý ekenin atap ótti.
Aldymen aýdan ákimi Baǵdat Qarasaev óńirdiń 10 aidaǵy damý kórsetkishteri men aldaǵy mindetter jaily baiandama jasady. Budan soń oblys ákimi Qanat Bozymbaev azyq-túlik óndirisiniń tómendeýine jol bermeý, meditsina mamandarynyń jetispeýshiligin boldyrmaý úshin sharalar qabyldaý, memlekettik baǵdarlamalar sheńberinde turǵyn úimen qamtamasyz etý arqyly úi kezegindegiler sanyn azaitý, saiajailardaǵy áleýmettik máselelerdi sheshý siiaqty birqatar problemalarǵa qatysty aýdan ákimi orynbasarlarynyń jaýabyn tyńdady.
– Ile aýdany – irgeli aýdan. Munda 310 myńǵa jýyq adam turady. Sonyń 60 myńnan astamy - saiajai turǵyndary. Saiajaida turatyn adamdarǵa qolaily ómir súrý jaǵdaiyn jasaýymyz kerek. Ol úshin 3-4 jylǵa arnalǵan strategiialyq jospar bolýy kerek. Onda árbir saiajai massivin gaz, sý, elektr jaryǵy, jol siiaqty infraqurylymmen qamtý, áleýmettik nysandar salý – barlyǵy da qamtylýy kerek. Saiajai massivterinde turatyn azamattardyń máselelerin sheshý jergilikti atqarýshy organnyń mańyzdy basymdyǵy bolýy tiis, – dedi Qanat Bozymbaev.
Sonymen qatar aýdanǵa investorlardy kóptep tartý kerektigin eskertti. Bul oraida biznestiń áleýmettik jaýapkershiligi aldyńǵy orynda turýy tiis.
Jiyn barysynda oblys basshysy Qanat Bozymbaev aýdan ákimdiginiń aldyna halyqtyń ál-aýqatyn arttyrý baǵytyndaǵy basqa da mańyzdy mindetter qoidy.
Úsh aýysymdy mektepterdi joiý úshin usynystar engizilip, bul iste memlekettik-jekemenshik áriptestik tetiginiń múmkindikterin keńinen paidalaný qajet. Jańa jumys oryndaryn qurýdy shiratý, qaita óńdeitin óndirister ashýdy jandandyrý, koronavirýstyq infektsiianyń taralýynyń aldyn alý, áleýmettik máni bar azyq-túlik baǵasynyń kóterilýine jol bermeý, jastar men balalardyń bos ýaqytyn tiimdi ótkizýge jaǵdai jasaý tapsyryldy. Sol siiaqty Almaty qalasy men Ile aýdany arasyndaǵy jolaýshy kóligi qatynasy jáne jolaqy tólemindegi jeńildikter máselesine qatysty týyndaǵan qiyndyqtardy aldaǵy ýaqytta qala basshylyǵymen kezdesip, talqylaitynyn aitty.
