Birinshi ıntensıvtiń negizgi sózi alǵash ret bolǵanynyń sımvoldyq máni bar.
Qazaqstandyq bilim berýde mektep basshylary alǵash ret arnaıy ózderine jáne olardyń kásibı damýy men kóshbasshylyǵyna arnalǵan taqyryptyq forýmda bas qosty. NIS Pedagogıkalyq sheberlik ortalyǵy Astanada tórt júzden astam dırektordy biriktirdi, alty júzden astam dırektor elimizdiń barlyq óńirlerinen onlaın qosyldy. Eki kún boıy olar tabysqa jetý strategıasynda jeke jáne komandalyq basymdyqtardy anyqtady.
Alǵash ret eń úzdik mektep basshylary menejmenttiń barlyq túrlerin júıeli negizde meńgerdi – strategıalyq, jobalyq, operasıalyq, sıfrlyq, HR jáne Talent-Management.
Dırektorlardyń aıtýly kezdesýinde qatysýshylar alǵash ret qatarynan onnan astam tilde sóıledi – qazaq, aǵylshyn, orys, qyrǵyz, eston, malaı, ázirbaıjan, nemis, fransýz, tamıl jáne pýtýnhýa.
Alǵash ret dırektor óz júrip ótken joldary týraly tebirene áńgimelep berdi – tabysqa jetý, jeńý, kásibı kúızelis jáne basqa da jeke oqıǵalar.
Sıngapýrdaǵy Arbınger ınstıtýtynyń qaýymdastyrylǵan keńesshisi Saras Menon alǵash ret naǵyz qysta bolyp, qardy kórdi.
«Bilim berýdegi ózgeristerdiń 1000 kóshbasshysy» kadrlyq rezervti daıyndaý jónindegi prezıdenttik baǵdarlamanyń alǵashqy túlekteri halyqaralyq ıntensıvtiń negizgi delegattary atandy. Olardyń barlyǵy Pedagogıkalyq sheberlik ortalyǵynda oqýlaryn aıaqtap, mamandyqqa jańa qadam jasaýǵa daıyn.
Oqý-aǵartý mınıstrliginiń Orta bilim berý komıtetiniń tóraǵasy Qanybek Jumashev pen «Nazarbaev Zıatkerlik mektepteri» DBBU Basqarma tóraǵasy Ánýar Janǵozın ıntensıvtiń ashylý saltanatynda prezıdenttik kadrlyq rezervti daıyndaý boıynsha aýqymdy baǵdarlamanyń biregeıligin erekshe atap ótti.
Baǵdarlama otandyq bilim berýdiń top-menedjerlerine arnalǵan eń ózekti jáne kreatıvti formattardy qamtıdy: «Qalaı tabysqa jetýge bolady?» keıs-sessıalary, emosıonaldy quzyrettilik boıynsha kreatıvti praktıkým, mekteptegi Talent-Management boıynsha «Muǵalimderdi shabyttandyramyz» forsaıt-sessıasy, ata-analar, oqýshylar jáne mektep basshylaryna arnalǵan ujymdyq dıskýssıa, «Sıfrlyq menejmentke arnalǵan quraldar» Digital-sessıa jáne basqalary.
Kóshbasshynyń mısıasy qandaı? Qatelikterdi túzeý úshin dırektor⠀ne isteýi kerek? Kezdeısoq qatelikter úshin jazalaýdyń qajeti bar ma?⠀Máseleler kóbeıse, ne isteý kerek? Shýlman modelinen kemeldikke deıin uzaq joldy qalaı júrip ótýge bolady? Árbir dırektor medıator bola ma? Balalar, ata-analarmen jáne muǵalimdermen konstrýktıvti dıalogti neden bastaý kerek? Robert Dıltstyń logıkalyq pıramıdasy qalaı jumys isteıdi? Kún saıyn ár dırektor júzdegen qıyn suraqqa jaýap izdeıdi. Sondyqtan ıntensıvte otandyq bilim berýdegi tabysty keıster usynyldy. Elordadaǵy №54 mektep-lıseıi dırektorynyń mindetin atqarýshy Qaırat Muqashev bolashaq top-menedjerlerge arnalǵan prezıdenttik baǵdarlamadan alǵan áserimen bólisti.
Sheteldik tájirıbelerdi «360-mekteptiń» teń dırektory, brıtandyq bilim berýdi zertteý qaýymdastyǵy keńesiniń múshesi Sara Seleznev, Tallın ǵylymı mektebiniń basshysy, Estonıa muǵalimderi odaǵynyń tóraǵasy Medıs Somelar, Sıngapýrdaǵy Arbınger ınstıtýtynyń qaýymdastyrylǵan keńesshisi Saras Menon tanystyrdy. Olardyń barlyǵy jahandyq pedagogıkadaǵy strategıalyq jáne jumys algorıtmderi bir ekenin jáne kóshbasshylardyń negizgi baǵdary kóp jaǵdaıda ulttyq bilim berý júıesine emes, kóshbasshylardyń jeke standarttaryna baılanysty ekenin rastady.
Nazarbaev Zıatkerlik mektepteriniń júıesimen egjeı-tegjeıli tanysý jáne ınstensıvke qatysý úshin Astanaǵa Qyrǵyz Respýblıkasynyń úlken delegasıasy –«Sapat», «Kreatıv – Taalım», «Global school», Sálimbekov ýnıversıteti, «Aıchúrek» qyzdar lıseıi ókilderi ushyp keldi:
– Kóshbasshylar ıntensıvi ıdeıasynyń ózi «Jas ustaz: tabysqa aparar jol» jas muǵalimderdiń respýblıkalyq forýmynda týǵan. Josparlary batyl bizdiń jas muǵalimder mektep dırektorlaryn bir alańda jınaý týraly usynys tastady. Sodan keıin biz arnaıy bilim berý júıesindegi menejerlerdiń kásibı biliktiligin arttyrý úshin jańa platforma quramyz dep sheshtik», – dep atap ótti Pedagogıkalyq sheberlik ortalyǵynyń dırektory Janbota Kabdykarımova.
Intensıv negizgi eki úlken sabaq bergenin delegattardyń ózi atap ótti. Birinshisi «Qýana-qýana oqý: balalardyń bolashaq jetistigine mekteptegi ál-aýqattyń áseri» ujymdyq dıskýssıasynda aıtyldy: Árbir otbasynda jáne árbir mektepte balanyń tolyqqandy bilim alý jáne baqytty balalyq shaq quqyǵy mindetti túrde saqtalýy tıis. Ekinshisi sharanyń jabylý saltanatynda:
Otandyq pedagogıkadaǵy aýqymdy Upgrade – jeke kásibı ósýge de, eldik jetistikterge de múddeli naǵyz kóshbasshylarǵa arnalǵan mısıa.
Birinshi halyqaralyq ıntensıv qatysýshylardyń óte jaqsy degen baǵasyn aldy. Álemdik standarttar men kóshbasshylarǵa arnalǵan jańa kásibı platformaǵa degen absolútti suranys qatysýshylardyń óz aýzynan shyqqan tómendegideı usynystarmen rastalady: «Bilim berýdegi kóshbasshy baǵdary» dástúrge aınalyp, jyl saıyn qazirgi jáne bolashaq mektep dırektorlaryn jınaýy kerek!
Sheteldik qatysýshylar Astanadaǵy ıntensıv olarǵa óz kásibinde de, ómirde de jańa bıikterge jahandyq shabyt bergenin moıyndap, Pedagogıkalyq sheberlik ortalyǵyn basqa elderde de keńeıtýdi usyndy.
«Bilim berýdegi kóshbasshy baǵdary» – Pedagogıkalyq sheberlik ortalyǵynyń mektep basshylarynyń kadr rezervin daıyndaý jáne muǵalimder men mektep basshylarynyń biliktiligin arttyrýdaǵy aýqymdy jumysynyń qısyndy jalǵasy.
«Bilim berýdegi kóshbasshy baǵdary» Halyqaralyq ıntensıv birneshe kún buryn Nıderlandydan oralǵan Pedagogıkalyq sheberlik ortalyǵy jahandyq aýqymdaǵy jańa jetistigi aıasynda ótýde. Zvollede PSHO Qazaqstan úshin jahandyq WALS estafetasyn resmı túrde qabyldady. Postkeńestik keńistikte alǵash ret 2024 jyly Astanada Dúnıejúzilik Lesson Studies qaýymdastyǵynyń halyqaralyq forýmy ótedi.
Mıra Alıpınova
