Májiliske Politsiia jáne Tótenshe jaǵdailar departamenti, oblystyq jolaýshylar kóligi jáne avtomobil joldary basqarmasy, «Ońtústik jol» mekemesi, «QazAvtojol» UQ» AQ ókilderi qatysyp, atqarylyp jatqan jumystar jaiynda baiandady.
Jiyn barysynda oblys ákiminiń birinshi orynbasary jaýapty sala ókilderine tazalyq jumystarynyń kestesin talapqa sai pysyqtaýdy jáne arnaiy tehnikalardyń qajettilikterin naqty anyqtaýdy tapsyrdy.
Sondai-aq, osyǵan deiin jiberilgen kemshilikterdi zerdelei otyryp, ózekti máselelerdi sheshý qajettigin eskertti.
Osy oraida, «QazAvtoJol» UK» AQ Túrkistan oblystyq filialy tarapynan Politsiia departamentiniń kelisimimen, Túrkistan oblysy men Jambyl oblysy shekarasynda kólik keptelisiniń aldyn alý jáne oqys oqiǵalardy boldyrmaý maqsatynda A-2 «Almaty-Tashkent» avtojolynyń 593-654 shaqyrym aralyqtaryna júk kólikterine shekteý qoiyldy.
Sondai-aq, 12 jeltoqsan túngi saǵat 23:40 shamasynda Túrkistan oblysy arqyly ótetin respýblikalyq mańyzy bar A-2 «Almaty-Taraz-Shymkent-Tashkent» avtomobil jolynyń Shymkent-Taraz baǵyty boiynsha 593-654 shaqyrym aralyǵynda qar men qatty boran saldarynan barlyq kólik túrlerine shekteýler qoiyldy. Qazirgi tańda ol mańda 19 jol tehnikasy men 37 adam jumys atqarýda.
