Pavlodarda zaǵip jandarǵa arnalǵan «kún sáýlesi» jobasy ashyldy
Pavlodar óńirinde «Rýhani jańǵyrý» baǵdarlamasyn júzege asyrý jumystary belsendi túrde júrgizilip jatyr.
Buǵan dálel kúni keshe «Rýhani jańǵyrý» baǵdarlamasyn iske asyrý sheńberinde kórý qabileti nashar jergilikti azamattarǵa arnalǵan oblystyq arnaiy kitaphanasynda «Kún sáýlesi» jobasy ashyldy.
Atalǵan jobanyń ashylýyna Pavlodar oblystyq tilderdi damytý jónindegi basqarmasynyń muryndyq bolǵanyn aita ketelik.
Jobanyń maqsaty – zaǵip jandardy qoǵamdyq ómirge tartý, olardy «Rýhani jańǵyrý» baǵdarlamasynyń baǵyt-baǵdarymen tanystyrý ári olardyń ózara rýhani bailanys ornatýǵa jaǵdai jasaý.
Osynaý joba aiasynda qazaq tili kýrstary da ashylyp, «Kún sáýlesi» is-sharasyna qatysýǵa ynta tanytqan zaǵip jandar memlekettik tildi meńgerýge múmkindik almaq.
Budan bólek, jobaǵa qatysýshylar qazaq halqynyń dástúr-saltyn, mádenietin arnaiy Brail júiesine negizdelgen optikalyq qurylǵylar, tifloqurylǵylar, relefti-grafikalyq (zaǵiptarǵa) jáne jazyq baspaly (kózi nashar kóretinderge) oqý quraldary jáne jańa aqparattyq tehnologiialar arqyly tereńdetip úirenetin bolady.
Sabaq barysynda túrli ómirlik jaǵdaida qazaqsha sóileýge múmkindik beretin leksikalyq qory bar dybystyq aýdiojazba qurylǵysyna jazylǵan sóileý modelderi, kórý qabileti nashar azamattarǵa arnalǵan arnaiy áleýmettik-belsendi jáne refleksivti oqytý ádisteri men tehnologiialary qoldanylady.
