Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ordabasy aýdanynyń aýyl sharýashylyǵy salasyndaǵy múmkindik áleýetin tolyq paidalaný kerek – Darhan Satybaldy

Dalanews
Ordabasy aýdanynyń aýyl sharýashylyǵy salasyndaǵy múmkindik áleýetin tolyq paidalaný kerek – Darhan Satybaldy
Ordabasy aýdanynda aýyl sharýashylyǵy salasyndaǵy múmkindik pen áleýet tolyq qoldanylmai otyr. Paidalanylmai jatqan jáne zańsyz paidalanýdaǵy jer telimderin qaitarý jumystary baiaý júrgizilýde. Sondai-aq aýyl sharýashylyǵy salasynda zamanaýi ozyq tehnologiialardy engizý jumystaryn kúsheitý mańyzdy. Bul jónine Túrkistan oblysynyń ákimi Darhan Satybaldy Ordabasy aýdanynyń áleýmettik-ekonomikalyq damýy jóninde kezekti kóshpeli májilisinde málimdep, aýdan ákimi men jaýapty basqarmalarǵa jumysty jandandyrýdy tapsyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

– Aýdan ekonomikasynyń basty salalarynyń biri – aýyl sharýashylyǵy. Oǵan klimattyq jaǵdai qolaily. Megapoliske de, ortalyqqa da jaqyn ornalasqan. Biraq salada ózekti máseleler bar. Aǵyn sý júieleriniń tozyǵy jetken, mehanikalyq tazalaý jumystary tiisti deńgeide júrgizilmegen.

Aýdan ákimi – aýyl sharýashylyǵy salasynyń mamany, biraq bul baǵyttaǵy aýdannyń áleýetin tolyq paidalana almai otyr. Byltyr aýyl sharýashylyǵy óniminiń naqty kólem indeksi 93 paiyzdy qurady.

Qazirgi ýaqytta aýyl sharýashylyǵyn qoldaý úshin, «Aýyl amanaty» baǵdarlamasy aiasynda sharýalardy nesielendirý josparlanýda. Bul baǵdarlama salanyń damýyna jańa serpin berýi tiis. Ordabasy aýdanynda baǵdarlama Shubar, Badam aýyl okrýgterinde iske asyrylady. Aýdan ákimi bul baǵytta úilestirý, al aýyldyq okrýgterdiń ákimderi turǵyndarǵa túsindirme jumystaryn júrgizsin. Bólingen qarjyny maqsatty paidalanyp, turǵyndar tabysyn arttyrý qajet, – degen Darhan Satybaldy infraqurylymdy jaqsartý, investitsiia tartý, jańa jumys oryndaryn ashý, indýstrialdy aimaqty damytý jóninde tapsyrma berdi.


Bilim, densaýlyq saqtaý, sanitarlyq tazalyq, eldi mekenderdi abattandyrý salasyndaǵy máselelerdi de sheshýdi tapsyrdy.

– Aýdandaǵy ishki joldardyń sapasy syn kótermeidi. Turǵyn úi-kommýnaldyq sharýashylyǵy salasynda birqatar qordalanǵan máseleler bar. Tabiǵi gazben, elektrmen jabdyqtaý, aýyz sý júielerimen qamtamasyz etý boiynsha naqty sharalar qabyldaý qajet. Qurylysy júrgizilip jatqan gaz nysandarynyń kemshilikteri qalpyna keltirilmegen. Osy kemshilikterdi qysqa merzimde joiý úshin tiisti sharalar qabyldansyn, – dedi oblys ákimi.

Májiliste aýdan ákimi Nurbek Badyraqovtyń atqarǵan jumystar jóninde esebi tyńdaldy. Túrkistan oblysy ákimi apparatynyń basshysy Erkeǵali Álimqulov aýdandaǵy jumystardy zerdeleý nátijesi týraly baiandady.

Ordabasy aýdanynyń áleýmettik-ekonomikalyq damýy boiynsha birqatar negizgi kórsetkishteri byltyr oryndalmaǵan. Aýyl sharýashylyǵyna tartylǵan investitsiia 70,5 paiyzǵa, tamaq ónimderin óndirýge tartylǵan investitsiia 17,5 paiyzǵa oryndalyp, jyldyq josparǵa qol jetkizilgen joq. Qus etin óndirý boiynsha jospar 34 paiyzǵa oryndalǵan.


Ózindik kiristerdiń úlesi tómendegen. Aýdanda 792 salyq salý nysandary múlikterin 477 mln. teńgege baǵalap, nebári 2 mln. teńge salyq tólegen. Biraq atalǵan nysandardyń naryqtyq baǵalaý quny 24,3 mlrd. teńgeni qurap otyr, iaǵni, 51 ese joǵary.

Osy jáne ózge de túitkilder tarqatylǵan májiliste oblys ákimi aýdan ákimi men jaýapty basqarma basshylaryna kemshilikterdi joiý boiynsha naqty tapsyrmalar berdi. Tapsyrmalardyń oryndalýy qatań baqylaýǵa alyndy.
túrkistan Aýyl sharýashylyǵy investitsiia qus eti Ordabasy Darhan Satybaldy «Badam» Shubar Erkeǵali Álimqulov Madina Sádýaqasova

Oqi otyryńyz