Aqparatqa qaraǵanda, Táýelsizdik jyldary respýblikada qazaqtardyń sany jýyqtap alǵanda eki esege ósip (Keńes odaǵynda 1989 jyly júrgizilgen halyq sanaǵy boiynsha 39,7%), 70,65 paiyzǵa jetken.
Qazir bes aimaqta qazaqtardyń úlesi 80 paiyzdan kóp: Astana (81,09%), Aqtóbe oblysy (85,26%), Mańǵystaý oblysy (91,36%), Atyraý oblysy (92,95%) jáne Qyzylorda oblysy (96,12%).
Soltústik Qazaqstannan basqa aimaqtardyń barlyǵynda-derlik qazaqtardyń úlesi basym. Soltústik Qazaqstanda orystardyń úlesi (49 paiyzy – orystar, 35 paiyzy – qazaqtar) kóbirek.
Elde sany jaǵynan ekinshi orynda – orystar (3 mln adam – Qazaqstan halqynyń 15,2 paiyzy), úshinshi orynda – ózbekter (643,3 myń nemese halyqtyń 3,25 paiyzy), tórtinshi orynda – ýkraindar (380,2 myń nemese halyqtyń 1,92 paiyzy), odan keiin uiǵyrlar (297,1 myń nemese halyqtyń 1,5 paiyzy) tur.
2021 jyly 1 qyrkúiek pen 30 qazan aralyǵynda júrgizilgen Ulttyq halyq sanaǵynyń alǵashqy nátijesi boiynsha, Qazaqstan halqy 19 169 550 adamǵa jetken. Ol kezde qazaqtardyń úlesi 70,18 paiyzǵa jetkeni aitylǵan edi.
2009 jylǵy halyq sanaǵynda qazaqtardyń úlesi 63,1 paiyz bolǵan.
https://dalanews.kz/aimak/89000-elimizdegi-suarmaly-zherding-4-1-boligi-tu
https://dalanews.kz/news/88987-tulkibasta-64-myng-gektar-zherge-auyl-sharu
