Túlkibasta 64 myń gektar jerge aýyl sharýashylyǵy daqyldary egildi
Biyl túlkibastyq sharýalar jazdyq bidaidy – 2525 ga, arpany – 8795 ga, noqatty – 200 ga, júgerini – 350 ga, taryny –145 ga, maqsaryny –10 499 ga, jońyshqany – 29 242 ga, kartopty – 1200 ga jáne kókónisterdi –1500 ga-ǵa ekti. Sonymen qatar 10 029 gektarǵa kúzdik bidai egilgen.
Aýdan kóleminde barlyq aýyl sharýashylyǵy qurylymdarynda 1532 aýyl sharýashylyǵy tehnikasy bar, onyń ishinde 706 traktor, 138 kombain, 417 tirkeme jáne basqa da qosymsha tehnikalar bar.
Biylǵy kóktemgi dala jumystaryn júrgizýge qajetti janar-jaǵarmaiǵa niet bildirýshi sharýalarǵa jeńildetilgen baǵada dizel otynyn bosatýǵa 2 operator bekitilip, aýdanǵa 2990 tonna jeńildetilgen janar-jaǵar mai bólindi. Olar – JK «Ýzenbaev P.K» jáne «Sanali grýp» JShS operatorlary. Sharýalarǵa 2 operator arqyly jeńildetilgen janar-jaǵarmaidyń 1 litriniń baǵasy Shymkent qalasynan jetkizilýimen 204,0 teńgeni qurady. Aýdan kóleminde búgingi kúnge deiin 2210 tonna JJM alyndy. Qazirgi tańda mamyr aiyna bólingen janar-jaǵarmaidy tolyq sharýalarǵa bosatý jumystary júrgizilýde.
