OQO Tótenshe jaǵdailar departamenti taýdaǵy qaýipsizdikti saqtaýǵa shaqyrdy
Onyń aitýynsha, taýdaǵy qaiǵyly jaǵdailar negizinen qaýipsizdik sharalaryn saqtamaý sebepterinen týyndaidy.
– Taýdaǵy keleńsiz oqiǵalardy aldyn alý úshin tańdalǵan baǵyt qatysýshylardyń daiyndyq deńgeiine jáne múmkindikterine sáikes kelýi tiis. Sondai-aq, qozǵalys baǵdaryn muqiiat zerdeleý qajet. Ondaǵy jer bederiniń sipatymen, qaýipti jerleri men sý kózderinen habardar bolyp, taýǵa shyǵar aldynda aýa raiy boljamymen tanysyp alý kerek, – dedi Talǵat Esalyuly.
Budan bólek, taýly óńirde qaiǵyly jaǵdaidy boldyrmaý úshin adamdar toptasyp júrgenderi abzal. Taý kólderinde shomylmaǵan lázim, óitkeni, salqyndap qalý qaýip bar. Kún kúrkirep, naizaǵai oinaǵan kezde taý jotasynan tómen túsýge áreket etý kerek. Sondai-aq, temiri bar zattardy adamdardan qashyq ustap, jeke aǵashtyń astyna, tańbalaý baǵanalardyń tusyna jáne sý qoimasy jaǵasynda otyrmaǵan durys.
Jalpy jyl basynan beri OQO TJD qaýipsizdikti saqtaý sharalarynan habardar etetin 7000-ǵa jýyq únparaq taratyp, 165 ret áńgimelesý-túsindirme jumystaryn júrgizgen.
Aita keterligi, tótenshe jaǵdai oryn alǵan jaǵdaida barlyq bailanys quraldaryna tegin qyzmet kórsetetin táýliktik kezekshiliktegi «101» jáne «112» nómirlerine habarlasýǵa bolady.
OQO ákiminiń baspasóz qyzmeti
