– Elbasymyz óz sózinde urpaq bolashaǵyna asa mán berip, «Elimizde týylǵan árbir balany memleket óz qamqorlyǵyna alýǵa tiis» degen bolatyn. Mine, osy baǵytta oblysta memlekettik baǵdarlamasy aiasynda 2016-2017 jyldary 142 jetim jáne ata-anasynyń qamqorlyǵynsyz qalǵan balalarǵa úi berildi. 2018 jyly 90 bala úili bolady. Sondai-aq, jyl saiyn balalar úiiniń tárbielenýshilerine, joǵarǵy oqý oryndaryna oblys ákiminiń bilim granttary bólinýde. Máselen, ótken jyly 95 grant bólinse, biyl 100 grant bólinedi. Bilimdi bolyńdar! Senderdiń elimizdiń bedeldi azamaty bolatyndaryńa kámil senemin, – dedi Janseiit Qanseiituly.
Sondai-aq, aimaq basshysy túrli baiqaýlarda top jaryp júrgen ónerli balalar úiiniń 10 oqýshysyn «Alǵys hatpen» marapattady. Odan bólek, jiynǵa qatysqan barlyq balǵyndarǵa túrli oiynshyqtar, kinoteatrǵa jáne 50 balaǵa Astana qalasyna jasalatyn 3 kúndik ekskýrsiianyń biletin úlestirdi.
Shara barysynda balalarǵa arnalǵan merekelik dastarhan jaiylyp, kontserttik baǵdarlama qoiyldy. Sonymen qatar, balalar Jailaýkól demalys aimaǵyndaǵy attraktsiondarda kóńil kóterip, asfaltte sýret salý baiqaýyna qatysty.
Aita keteiik, óńirimizdegi 3 mln. halyqtyń 1 mln. 240 myńnan astamyn 18 jasqa deiingi balalar quraidy. Oblysta 2648 jetim jáne ata-anasynyń qamqorlyǵynsyz qalǵan bala bolsa, onyń 2068-i qorǵanshylyq jáne qamqorshylyqqa, 184-i patronattyq tárbiege ótken. 349 bala úilerinde tárbielenýde.
OQO ákiminiń baspasóz qyzmeti
https://dalanews.kz/36454
