– ەلباسىمىز ءوز سوزىندە ۇرپاق بولاشاعىنا اسا ءمان بەرىپ، «ەلىمىزدە تۋىلعان ءاربىر بالانى مەملەكەت ءوز قامقورلىعىنا الۋعا ءتيىس» دەگەن بولاتىن. مىنە، وسى باعىتتا وبلىستا مەملەكەتتىك باعدارلاماسى اياسىندا 2016-2017 جىلدارى 142 جەتىم جانە اتا-اناسىنىڭ قامقورلىعىنسىز قالعان بالالارعا ءۇي بەرىلدى. 2018 جىلى 90 بالا ءۇيلى بولادى. سونداي-اق، جىل سايىن بالالار ءۇيىنىڭ تاربيەلەنۋشىلەرىنە، جوعارعى وقۋ ورىندارىنا وبلىس اكىمىنىڭ ءبىلىم گرانتتارى بولىنۋدە. ماسەلەن، وتكەن جىلى 95 گرانت بولىنسە، بيىل 100 گرانت بولىنەدى. ءبىلىمدى بولىڭدار! سەندەردىڭ ەلىمىزدىڭ بەدەلدى ازاماتى بولاتىندارىڭا كامىل سەنەمىن، – دەدى جانسەيىت قانسەيىت ۇلى.
سونداي-اق، ايماق باسشىسى ءتۇرلى بايقاۋلاردا توپ جارىپ جۇرگەن ونەرلى بالالار ءۇيىنىڭ 10 وقۋشىسىن «العىس حاتپەن» ماراپاتتادى. ودان بولەك، جيىنعا قاتىسقان بارلىق بالعىندارعا ءتۇرلى ويىنشىقتار، كينوتەاترعا جانە 50 بالاعا استانا قالاسىنا جاسالاتىن 3 كۇندىك ەكسكۋرسيانىڭ بيلەتىن ۇلەستىردى.
شارا بارىسىندا بالالارعا ارنالعان مەرەكەلىك داستارحان جايىلىپ، كونسەرتتىك باعدارلاما قويىلدى. سونىمەن قاتار، بالالار جايلاۋكول دەمالىس ايماعىنداعى اتتراكسيونداردا كوڭىل كوتەرىپ، اسفالتتە سۋرەت سالۋ بايقاۋىنا قاتىستى.
ايتا كەتەيىك، وڭىرىمىزدەگى 3 ملن. حالىقتىڭ 1 ملن. 240 مىڭنان استامىن 18 جاسقا دەيىنگى بالالار قۇرايدى. وبلىستا 2648 جەتىم جانە اتا-اناسىنىڭ قامقورلىعىنسىز قالعان بالا بولسا، ونىڭ 2068ء-ى قورعانشىلىق جانە قامقورشىلىققا، 184ء-ى پاتروناتتىق تاربيەگە وتكەن. 349 بالا ۇيلەرىندە تاربيەلەنۋدە.
وقو اكىمىنىڭ باسپا ءسوز قىزمەتى
https://dalanews.kz/36454
