Kentaý qalalyq turǵyn úi-kommýnaldyq sharýashylyǵy, jolaýshylar kóligi jáne avtomobilder joldary bóliminiń basshysy Q.Tólepbergenov qazirgi tańda qalada jáne qalaǵa qarasty eldimekenderde ishki gaz qubyrlaryn tartý jumystary júrgizilip jatqanyn aitty.
– Avtomattandyrylǵan gaz taratý stantsiiasynyń qurylys jumystary 2015 jyly bastalyp, 2017 jyly aiaqtaldy. Jobanyń jalpy quny 3 mlrd. 842 mln teńgeni quraidy. Merdiger óziniń jumysyn óte sapaly atqaryp shyqty. Búginge deiin 53,7 shaqyrym magistraldyq gaz qubyrlary tartyldy. Endigi jerde ishki gaz qubyrlaryn tartý jumystary qaldy. 3 kezeńnen turatyn sharýa tolyǵymen aiaqtalǵan soń, qalamyz tolyq gazben qamtylatyn bolady, – dedi Qadyrhan Tólepbergenov.
Sondai-aq, BAQ ókilderi qala aýmaǵynda salynyp jatqan birqatar áleýmettik nysandardyń qurylys jumystarymen tanysty. Munda eldegi 75 myń stýdentti jataqhanamen qamtý týraly Elbasynyń «Prezidenttiń bes áleýmettik bastamasy» atty úndeýinde aitqan tapsyrmasy josparǵa sai oryndalyp keledi.
Búginde oblystyq qurylys basqarmasynyń tapsyrysymen qalada 300 oryndyq 2 jataqhana boi kóterýde. Jobanyń jalpy quny 443 883 mln teńgeni quraidy. Sońǵy úlgide salynyp jatqan stýdentter úii jospar boiynsha biyl paidalanýǵa beriledi.
Kentaý qalasynda turǵyn máselesi de jospar boiynsha sheshimin taýyp keledi. Búginde qalada 60 páterli kóp qabatty 7 úidiń qurylys jumystary júrgizilýde. 2020 jylǵa deiin taǵy 35 úi salynatyn bolady. Jalpy qalada 2086 adam turǵyn úi kezegine turǵan.
Odan bólek, shaharda jedel járdem kórsetý stantsiiasymen aýysymyna 500 naýqas qabyldaityn qalalyq emhana salynýda. Jobaǵa oblystyq biýdjetten 1 mlrd. 627 mln. teńge qarjy qaralǵan. Qurylys jumystary byltyr bastalǵan joba 2019 jyly aiaqtalady dep josparlanýda.
OQO ákiminiń baspasóz qyzmeti
https://dalanews.kz/31712
