Otyrysqa oblys ákimi Janseiit Túimebaev, Bas Prokýrordyń orynbasary Andrei Kravchenko, memlekettik organdardyń ókilderi men halyqaralyq, úkimettik emes uiymdardyń, qoǵamdyq birlestikterdiń jetekshileri qatysty.
Jiyndy ashqan óńir basshysy búgingi tańda turmystyq zorlyq-zombylyq máselesi qoǵamymyzda ózekti bolyp otyrǵanyn aityp, áleýmettik turǵyda túrli keleńsizdikterge tap bolyp otyrǵanymyzdy jetkizdi.
– Turmystaǵy zorlyq-zombylyq máselesi – adam quqyn buzatyn qubylys qana emes, sondai-aq óskeleń urpaqqa tárbie berýde keri áserin tigizetin qubylys. Ókinishke qarai, qazirgi kezde otbasylaryna zábir kórsetip, kúshteý jaittary kezdesedi. Bul adamnyń búkil ǵumyryna qara tańba bolyp qalady. Sondyqtan da otbasyndaǵy turmystyq zorlyq-zombylyqty joiý jolynda quqyqtyq jáne praktikalyq sharalardy iske asyryp, onyń jasyryn sebepterin keshendi túrde anyqtaý qajet, – J.Túimebaev.
Óz kezeginde Bas Prokýrordyń orynbasary Andrei Kravchenko kópshilikti jobanyń jalpy tujyrymdamasymen tanystyryp ótti.
Sonymen qatar, QR Bas prokýrordyń erekshe tapsyrmalar jónindegi aǵa kómekshisi, basqosýda atalǵan jobanyń jetekshisi Saltanat Tursynbekova zorlyq-zombylyqqa qarsy áreketter reformasynyń negizgi baǵyttaryna toqtalyp ótti. Iske asyrylyp jatqan is-sharalar aiasynda negizgi ekpin osynaý keleńsizdikterdiń aldyn alýǵa jáne otbasylarmen keshendi jumys isteýge berilmek. Alǵash ret pilottyq rejimde otbasyndaǵy janjalqoilardy psihologiialyq ádistermen túzeý tásili qoldanylatyn bolady. Ol úshin TsVAD – ÝBDO-ny (Ýaqytsha beiimdeý jáne detoksikatsiia ortalyǵy) agressorlarmen jumys isteý ortalyǵyna ainaldyrý kózdelip otyr. Munan bólek, zorlyqtyń qurbandaryna tegin kómek pen qoljetimdilikti qamtamasyz etý úshin árbir aýdanda áleýmettik-psihologiialyq qyzmetter qurý josparlanǵan.
Sondai-aq, halyqqa barlyq áleýmettik mańyzdy saýaldar boiynsha kómek kórsetip, keń masshtabty jumystar júrgizý isin aýdan, qalalarda ǵana emes, shalǵai aýyldardan uiymdastyrý kózdelýde.
OQO ákiminiń baspasóz qyzmeti
