«Bul kún – jańa oqý jylyna, jańa jetistikter men tabystarǵa bastaý beretin kún. Bilim berý isi – bul tamyry tereńde jatqan, ult pen dinge bólinbeıtin, bir kún nemese bir jylda kórinbeıtin ǵalamat qundylyq. Al, osy bir uly qundylyqty boıǵa sińiretin tulǵa – muǵalim. Iaǵnı sizdersizder, qurmetti ustazdar! Elbasymyz óziniń «Bolashaqqa baǵdar: rýhanı jańǵyrý» atty strategıalyq maqalasynda bilim men ǵylymdy jetildirý, jas urpaq tárbıesi máselelerine basa kóńil bólgeni barshańyzǵa belgili. Sondyqtan da Sizderge, júkteler mindettiń salmaǵy da basym», - dedi ákim.
Toǵyz myń turǵyny bar «Sáýle» shaǵyn aýdanynda boı kótergen jańa mektep 1200 balaǵa shaqtalǵan. Úsh aýysymda bilim berilip kelgen mektepte búginde oqýshy sany 1350-di quraıdy. Zaman talabyna saı jabdyqtalyp, balalardyń tolyqqandy bilim alýyna, salaýatty ómir saltyn qalyptastyrýyna jaǵdaı jasaıtyn tıptik oqý orny 3 qabattan turady. «Nurly Jol» baǵdarlamasy boıynsha salynǵan mektepte hımıa, fızıka, bıologıa laboratorıalary, mýltımedıalyq-lıngofondyq kabınetter men kompúter synyby, kitaphana, májilis jáne oqý zaly bar.
Munan soń, óńir basshysy «Dostyq», «Qaınarbulaq» shaǵyn aýdandarynda osy kúni el ıgiligine berilgen 1200 oryndyq mektepterdi aralap kórdi. Bilim ordasynyń jumysymen tanysqan aımaq basshysy oqýshylardyń eńbekke baýlý kabınetterindegi erlerge arnalǵan sheberhanalar men qyzdardyń tigin sehimen tanysty. Sondaı-aq, saz balshyq sheberhanasynda da boldy. J.Qanseıituly uztazdarmen bolǵan áńgimede shákirtterdi jalpy bilim alýdan bólek, oqýshylarǵa tereńdetip bilim berip, túrli kásiptik bilim berý mamandyqtary – tigin tigý, temir ustasy sheberhanasy, qolóner jasaý syndy úıirmeler aıasynda arnaıy kýálikter berý jaǵyn oılastyrý qajettigin eske saldy. Bul rette, oblys basshysy Elbasynyń jastardy kásiptik bilim alýǵa kóptep baǵyttaý tapsyrmasy aıasynda berilgen osynaý kýálikterdiń artyqtyq etpeıtinin eskertti. Ásirese, balalar tárbıesine alańdaǵan ákim mektep pen úıdiń arasyndaǵy baılanys únemi ushtasyp, ata-anamen aradaǵy qatynasty bekemdeý arqyly tárbıe, tazalyqqa qatysty birlesken jumystardyń uıymdastyrylýy kerektigin aıtty.
Aıta ketý kerek, búgingi alǵashqy Bilim kúni – 2017-2018 jańa oqý jyly óńirimizde 20 mekteptiń paıdalanýǵa berilýimen erekshelenip otyr. El ıgiligine berilgen bilim mekemeleriniń 15-i «Nurly Jol» baǵdarlamasy boıynsha salynsa, qalǵany jergilikti búdjet esebinen júrgizilgen.
Búgin jumysyn bastaǵan mektepterdiń 6-ýy jańadan ashylyp otyr. Nátıjesinde óńirdegi orta mekteptiń sany 1021-den 1027-ge jetti. Atalǵan mektepterde oqý jylynda 640 myńǵa jýyq oqýshy bilim alsa, olardyń 73 myńy birinshi synypqa barady. Al shákirtterge oblysta 69 myńnan asa muǵalim bilim beredi.
Jyl sońyna deıin taǵy 9 bilim berý nysany el ıgiligine beriledi dep kútilýde. Osylaısha, óńirdegi 8 apatty jáne 12 úsh aýysymdy mektepterdiń máselesi sheshiledi deıdi salaǵa jaýapty jetekshiler. Al qalǵan 23 mekteptiń qurylysy 2018-2019 jyldary júrgizilip, apatty jáne úsh aýysymdy bilim nysandarynyń máselesi túbegeıli sheshimin tappaq.
Sondaı-aq, aımaqtaǵy 2, 5, 7 synyp oqýshylary jańartylǵan bilim berý mazmunyna baǵyttalǵan jańa oqýlyqtarmen qamtamasyz etilip otyr.
OQO ákiminiń baspasóz qyzmeti
