Bir ǵana Talǵar aýdanynyń ózinde bes birdei bilim shańyraǵy boi kóterip, jańa oqý jyly qarsańynda paidalanýǵa berilgen.
Aitalyq, «Nurly jol» baǵdarlamasy aiasynda Talǵar aýdanynyń Aqtas aýylynda №36 orta mektepke jáne Belbulaq aýylyndaǵy №32 bilim shańyraǵyna 600 oryndyq ǵimarat japsarlai salynyp, oqýshylardy qabyldady. Bul maqsatqa 2 mlrd 374 mln teńge qarjy bólingen.
Sonymen qatar Elaman, Kishi Baiserke, Eńbekshi eldi mekenderinde 300 oryndyq jańa mektepter qoldanysqa ótti. Talǵar aýdanynda halyq sany kóp bolǵandyqtan, aldaǵy ýaqytta taǵy da jańa mektepter salý josparda bar. Aita keterligi, aýdannyń barlyq mektebi internetpen qamtylǵan.
Talǵar aýdanynyń 2017 jyly bilim salasynyń biýdjeti 10 mlrd 153 mln teńgege jetti. Bul qarjy aýdan biýdjetiniń 72 paiyzyn quraidy.
Búgingi kúni aýdanda 67 balabaqsha jumys jasaidy, onyń ishinde 6 memlekettik, 61 jekemenshik balabaqsha bar. 58 balabaqsha - «Balapan» baǵdarlamasyna engizilgen. Jekemenshik balabaqshalar aýdan kóleminde sońǵy birneshe jyldan beri kóbeie tústi. 2016 jyldan bastap aýdanda 1795 oryndyq 30 jekemenshik balabaqsha iske qosylsa, 2017 jyldyń I jartyjyldyǵynda 200 oryndyk 2 jekemenshik balabaqsha ashylady. Jyl sońyna deiin taǵy 200 orynǵa jańa balabaqsha ashyp, mektepke deiingi balalardy qamtý paiyzyn 95 paiyzǵa kóterý kózdelip otyr.
Baqtiiar QABAS,
Almaty oblysy
