Memleket basshysy bıylǵy Joldaýynda aqparattyq júıelerdi biriktirý, mobıldik sıfrlyq qosymshalardy qoldaný, elektrondyq densaýlyq pasportyn engizý, «qaǵaz qoldanbaıtyn aýrýhanaǵa» kóshý arqyly medısınalyq kómektiń qoljetimdiligi men tıimdiligin arttyrý qajettigine basa nazar aýdarǵan bolatyn. Osyǵan oraı oblysta densaýlyq saqtaý salasynda jańa tehnologıalardyń zamanaýı naryǵyn usyný aıasynda «Damý» keshendi medısınalyq aqparattyq júıesi engizilýde.
«Naýqastar úshin ózderiniń jeke paraqshalary arqyly qabyldaýǵa jazylý, dárigerdi úıge shaqyrý, SOS batyrmasy ǵalamtor arqyly qol jetimdi bolyp otyr. Óńirde medısınalyq uıymdarynyń 78 paıyzy kompúterlik tehnıkasymen jabdyqtalǵan. Aǵymdaǵy jyly densaýlyq saqtaý uıymdaryn kompúterlik tehnıkamen tolyqtaı 100 paıyz qamtamasyz etý úshin 7500-den astam kompúterlik tehnıkany satyp alý úshin búdjetten qarjy bólindi», - dedi Ermek Atshybaıuly.
Sondaı-aq, brıfıńke qatysqan QR Densaýlyq saqtaý mınıstrligi «Respýblıkalyq elektrondyq densaýlyq saqtaý ortalyǵy» OQOF dırektory Aqjarqyn Taýbaeva saladaǵy sıfrlandyrý - eń aldymen azamattardyń óz densaýlyǵyna degen jaýapkershiligin arttyrý ári dárigerlerge turǵyndardyń densaýlyǵyn baqylap otyryp, túrli syrqatty aldyn alýǵa septigin tıgizetindigin jetkizdi.
«Sıfrlandyrý baǵdarlamasy 2018-2022 jyldar kezeńinde iske asyrylady jáne eńbek ónimdiliginiń aýqymdy jáne uzaq merzimdi ósýine jaǵdaı jasaıdy. Baǵdarlama azamattardyń dárigerge jazylý men dárigerdi úıge shaqyrýdan bastap búkil profılaktıkalyq, dıagnostıkalyq jáne emdik medısınalyq qyzmetterdi tolyq qamtıdy», - dedi Aqjarqyn Ábdibekqyzy.
Aǵymdaǵy jyldyń İ-toqsanynyń sońyna qaraı ýaqytsha eńbekke jaramsyzdyq qaǵazyn, sondaı-aq týberkýlezge qarsy, psıhonevrologıalyq, narkolo¬gıalyq uıymdarǵa qatysty anyqtamalardy Elektrondy úkimet portaly arqyly berý josparlanýda.
OQO ákiminiń baspasóz qyzmeti
