Saryaǵashta Pavlovniia aǵashynyń 37 myń túp kósheti ósirilýde
Eýropadan ákelinip, Saryaǵashtyń topyraǵyna jersindirilgen daraq ásirese jihaz ben mýzykalyq aspap jasaýǵa taptyrmaidy. Ainalasy 5 jylda 30 metrge deiin ósetin taldyń saiasy keń, alty apta boiy gúldep turady. Shildeniń aptap kezeńderde aýany tazartýda da róli orasan.
Pavloniia aǵashyn Saryaǵash jerine jersindirýdi jeke kásipker Baltabai Qurbanbaev alǵashqylardyń biri bolyp iske asyrǵan. Búginde onyń qojalyǵynda 37 myń túp Pavloniia kóshetteri kútip, baptalýda. Aǵash ónimderine degen suranysy kóp ońtústik óńiri úshin ár úsh jylda 8 ret kesip alyp, qajettilikke jaratýǵa óte tiimdi deidi jeke kásipker.
– Bul aǵash túriniń tiimdiligi mol. Byltyrǵy jyly Eýropadan arnaiy ákelip otyrǵyza bastadyq. Atalǵan daraq úshin Saryaǵashtyń topyraǵy men klimaty da óte qoilaily. Sondyqtan bul aǵash túrin jersindirýge júreksingen joqpyz, – deidi Baltabai Qurbanbaev.
Bir qyzyǵy, bul aǵashtyń japyraqtary kóktemde búrshik jarmas buryn gúldeidi eken. Kásipkerdiń aitýy boiynsha taldyń kútimi jaqsy bolsa, 100-180 jylǵa deiin ómir súredi.
https://dalanews.kz/34403
