Italiianyń ońtústiginde sport jýrnalisi Lýka (Lýidji) Espozito qaza tapty. Bul týraly Eýropalyq jýrnalister federatsiiasynyń saity habarlady, dep jazady dalanews.kz.
53 jastaǵy jýrnalistiń órtengen denesi Salerno provintsiiasyndaǵy Chioffi eldi mekenine jaqyn aýyl sharýashylyǵy alqabynan tabylǵan. Aldyn ala málimet boiynsha, Espozitoǵa oq atylyp, keiin denesi órtelgen.
Marqumnyń jeke basy oqiǵa ornynda qalǵan avtokóligi arqyly anyqtaldy. Qazirgi ýaqytta isti Salerno prokýratýrasy tergep jatyr. Qylmystyń naqty sebebi ázirge belgisiz.
Lýka Espozito shtattan tys sport jýrnalisi bolyp jumys istegen. Ol La Città di Salerno gazetimen jáne Otto Channel telearnasymen áriptestik ornatqan. Sonymen qatar Tuttosalernitana.com saitynyń bas redaktory bolǵan.
