Daǵystanda úilený toiynda bastalǵan janjal adam ólimimen aiaqtaldy. 24 jastaǵy jigit birneshe jerinen pyshaq jaraqatyn alyp, aýrýhanada qaitys boldy, dep habarlaidy dalanews.kz.
Qaiǵyly oqiǵa Súleiman-Stal aýdanyndaǵy Ashaga-Stal-Kazmaliar aýylynyń mańynda bolǵan.
Politsiianyń aldyn ala málimetinshe, 24 jastaǵy jigit pen 27 jastaǵy aýyl turǵyny buǵan deiin tanystarynyń úilený toiynda sózge kelip qalǵan. Keiin olar máseleni ózara sheshý úshin qaita kezdesken.
Alaida kezdesý kezinde janjal qaita órship, 27 jastaǵy kúdikti qarsylasyna bes ret pyshaq suqqan.
Aýyr jaralanǵan jigit aýrýhanaǵa jetkizilgenimen, dárigerler onyń ómirin saqtap qala almady. Kúdikti ustalyp, tergeý materialdary Daǵystan boiynsha Tergeý komitetine joldandy.
Oqiǵaǵa bailanysty Resei Qylmystyq kodeksiniń "Adam óltirý" baby boiynsha qylmystyq is qozǵaldy. Tergeýshiler janjaldyń naqty sebebi men qylmystyń barlyq mán-jaiyn anyqtap jatyr.
Oqiǵadan keiin áleýmettik jelilerde marqumnyń dál sol kúni úilengen kúieý jigit bolǵany jáne shabýyl alǵashqy neke túninde jasalǵany týraly aqparat tarady. Keibir jazbalarda janjaldyń aqshaǵa bailanysty shyqqany da aitylǵan.
Alaida bul málimetterdi quqyq qorǵaý organdary resmi túrde rastaǵan joq. Oqiǵanyń naqty sebebi tergeý aiaqtalǵannan keiin belgili bolady.
