داعىستاندا ٷيلەنۋ تويىندا باستالعان جانجال ادام ٶلٸمٸمەن اياقتالدى. 24 جاستاعى جٸگٸت بٸرنەشە جەرٸنەن پىشاق جاراقاتىن الىپ, اۋرۋحانادا قايتىس بولدى, دەپ حابارلايدى dalanews.kz.
قايعىلى وقيعا سٷلەيمان-ستال اۋدانىنداعى اشاگا-ستال-كازماليار اۋىلىنىڭ ماڭىندا بولعان.
پوليتسييانىڭ الدىن الا مەلٸمەتٸنشە, 24 جاستاعى جٸگٸت پەن 27 جاستاعى اۋىل تۇرعىنى بۇعان دەيٸن تانىستارىنىڭ ٷيلەنۋ تويىندا سٶزگە كەلٸپ قالعان. كەيٸن ولار مەسەلەنٸ ٶزارا شەشۋ ٷشٸن قايتا كەزدەسكەن.
الايدا كەزدەسۋ كەزٸندە جانجال قايتا ٶرشٸپ, 27 جاستاعى كٷدٸكتٸ قارسىلاسىنا بەس رەت پىشاق سۇققان.
اۋىر جارالانعان جٸگٸت اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى. كٷدٸكتٸ ۇستالىپ, تەرگەۋ ماتەريالدارى داعىستان بويىنشا تەرگەۋ كوميتەتٸنە جولداندى.
وقيعاعا بايلانىستى رەسەي قىلمىستىق كودەكسٸنٸڭ "ادام ٶلتٸرۋ" بابى بويىنشا قىلمىستىق ٸس قوزعالدى. تەرگەۋشٸلەر جانجالدىڭ ناقتى سەبەبٸ مەن قىلمىستىڭ بارلىق مەن-جايىن انىقتاپ جاتىر.
وقيعادان كەيٸن ەلەۋمەتتٸك جەلٸلەردە مارقۇمنىڭ دەل سول كٷنٸ ٷيلەنگەن كٷيەۋ جٸگٸت بولعانى جەنە شابۋىل العاشقى نەكە تٷنٸندە جاسالعانى تۋرالى اقپارات تارادى. كەيبٸر جازبالاردا جانجالدىڭ اقشاعا بايلانىستى شىققانى دا ايتىلعان.
الايدا بۇل مەلٸمەتتەردٸ قۇقىق قورعاۋ ورگاندارى رەسمي تٷردە راستاعان جوق. وقيعانىڭ ناقتى سەبەبٸ تەرگەۋ اياقتالعاننان كەيٸن بەلگٸلٸ بولادى.
