Saýd Arabiiasy koroldik áýletiniń ókili, 29 jastaǵy hanzada Abdýlla ben Fahad ben Abdýlla ben Abdýlaziz ben Djalaýi ál-Saýd Londondaǵy elitalyq qonaqúilerdiń birinen óli tabylǵan. Bul týraly britaniialyq The Telegraph basylymy habarlady.
Hanzadanyń máiiti 2025 jylǵy 25 qarashada Londonnyń batysyndaǵy Kensington aýdanynda ornalasqan Marriott qonaqúiiniń jýynatyn bólmesinen tabylǵan. Alaida oqiǵa týraly aqparat buqaralyq aqparat quraldarynda birneshe aidan keiin ǵana jariialandy.
Saraptama qorytyndysyna sáikes, marqumnyń qanyndaǵy alkogol mólsheri Ulybritaniiada kólik júrgizýshilerine ruqsat etilgen shekten shamamen úsh ese joǵary bolǵan. Sonymen qatar onyń aǵzasynan gamma-gidroksibýtirat, kannabis jáne ksanaks preparatynyń izderi anyqtalǵan.
Mamandar hanzadanyń sozylmaly aýrýlary bolmaǵanyn málimdedi. Aldyn ala qorytyndy boiynsha, onyń ólimine alkogol men esirtki zattarynyń aǵzaǵa qatar áser etýinen bolǵan júrek toqtaýy sebep bolýy múmkin.
Belgili bolǵandai, qaitys bolarynan úsh ai buryn hanzada Londondaǵy jekemenshik klinikalardyń birinde emdelgen. Ol alkogol men esirtkige táýeldilikten arylýǵa arnalǵan terapiia kýrsynan ótken.
Abdýlla ben Fahad Saýd Arabiiasy koroliniń alys týysy sanalǵan.
