Bilim salasynda sybailastyqty boldyrmaýdyń joldary talqylandy
Oblys ákiminiń orynbasary U.Sádibekov, Ulttyq biýro, bilim berý uiymdarynyń basshylary, zań organdarynyń, kásipodaq jáne halyqqa qyzmet kórsetý ortalyǵynyń ókilderi, beinekonferentsbailanys arqyly aýdan, qala ákimderi, olardyń salaǵa jaýapty orynbasarlary, aýdandyq, qalalyq bilim bólimderiniń basshylary, kolledj, mektep direktorlary qatysty. Jiyn barysynda qatysýshylar mektepterdegi zańsyz aqsha jinaý, sondai-aq jumysqa ornalasý úshin para berý máseleleri jii oryn alatynyn sóz etti. Óz kezeginde U.Sádibekov sybailastyqqa jol bergen azamattar jazasyz qalmaitynyn jetkizdi.
«Aýdandyq bilim bólimi nemese ádistemelik kabinet mektepterden túrli qajeti de, qajetsiz málimet pen esep aldyrtady. Sol beriletin málimettiń sapasy tómen bolsa, mektep muǵalimin qaita sandaltý bastalady. Munyń sońy para usyný jaǵdaiyna deiin alyp barady. Mine, osy máseleni jaýapty azamattarǵa qolǵa alýdy tapsyramyn», – dedi Ulasbek Sádibekuly.
Jiynda para alý kezinde ustalǵan mektep direktorlaryna qatysty beine túsirilimder kórsetildi. Ondaǵy málimet boiynsha 2017 jyly oblysymyzdyń bilim salasynda sybailas jemqorlyqqa qatysty 19 is tirkelgen. Al, 2016 jyly 7 oqiǵa oryn alypty.
Sondai-aq, jiynda bilim salasyndaǵy sybailas jemqorlyqty boldyrmaý, qyzmet sapasyn jaqsartý maqsatynda engizilgen tsirlandyrý júiesiniń artyqshylyqtary keńinen sóz boldy. Aitalyq, oblysta oqýshylardy birinshi synypqa qabyldaý jáne muǵalimderdi jumysqa turǵyzý protsesteri tolyǵymen elektrondy formatqa ótkizilgen. Respýblikada alǵash ret qolǵa alynǵan joba óziniń oń nátijesin berip keledi. Sonymen qatar qyzmet berýshi men qyzmet alýshylardyń arasyndaǵy tikelei bailanysty azaitý úshin halyqqa memlekettik qyzmetterdi elektrondy portaly arqyly alý tásilderin úiretý máseleleri talqylandy.
Aita keteiik, búginde azamattarmen tiimdi keri bailanys ornatý maqsatynda www.memkyzmet.kz saitynda arnaiy «Bilim» aidary men +7 775 869 21 21 nómiri boiynsha WhatsApp jelisi jumys isteýde.
OQO ákiminiń baspasóz qyzmeti
