وبلىس اكىمىنىڭ ورىنباسارى ۇ.سادىبەكوۆ، ۇلتتىق بيۋرو، ءبىلىم بەرۋ ۇيىمدارىنىڭ باسشىلارى، زاڭ ورگاندارىنىڭ، كاسىپوداق جانە حالىققا قىزمەت كورسەتۋ ورتالىعىنىڭ وكىلدەرى، بەينەكونفەرەنسبايلانىس ارقىلى اۋدان، قالا اكىمدەرى، ولاردىڭ سالاعا جاۋاپتى ورىنباسارلارى، اۋداندىق، قالالىق ءبىلىم بولىمدەرىنىڭ باسشىلارى، كوللەدج، مەكتەپ ديرەكتورلارى قاتىستى. جيىن بارىسىندا قاتىسۋشىلار مەكتەپتەردەگى زاڭسىز اقشا جيناۋ، سونداي-اق جۇمىسقا ورنالاسۋ ءۇشىن پارا بەرۋ ماسەلەلەرى ءجيى ورىن الاتىنىن ءسوز ەتتى. ءوز كەزەگىندە ۇ.سادىبەكوۆ سىبايلاستىققا جول بەرگەن ازاماتتار جازاسىز قالمايتىنىن جەتكىزدى.
«اۋداندىق ءبىلىم ءبولىمى نەمەسە ادىستەمەلىك كابينەت مەكتەپتەردەن ءتۇرلى قاجەتى دە، قاجەتسىز مالىمەت پەن ەسەپ الدىرتادى. سول بەرىلەتىن مالىمەتتىڭ ساپاسى تومەن بولسا، مەكتەپ ءمۇعالىمىن قايتا ساندالتۋ باستالادى. مۇنىڭ سوڭى پارا ۇسىنۋ جاعدايىنا دەيىن الىپ بارادى. مىنە، وسى ماسەلەنى جاۋاپتى ازاماتتارعا قولعا الۋدى تاپسىرامىن»، – دەدى ۇلاسبەك سادىبەك ۇلى.
جيىندا پارا الۋ كەزىندە ۇستالعان مەكتەپ ديرەكتورلارىنا قاتىستى بەينە تۇسىرىلىمدەر كورسەتىلدى. ونداعى مالىمەت بويىنشا 2017 جىلى وبلىسىمىزدىڭ ءبىلىم سالاسىندا سىبايلاس جەمقورلىققا قاتىستى 19 ءىس تىركەلگەن. ال، 2016 جىلى 7 وقيعا ورىن الىپتى.
سونداي-اق، جيىندا ءبىلىم سالاسىنداعى سىبايلاس جەمقورلىقتى بولدىرماۋ، قىزمەت ساپاسىن جاقسارتۋ ماقساتىندا ەنگىزىلگەن سيرلاندىرۋ جۇيەسىنىڭ ارتىقشىلىقتارى كەڭىنەن ءسوز بولدى. ايتالىق، وبلىستا وقۋشىلاردى ءبىرىنشى سىنىپقا قابىلداۋ جانە مۇعالىمدەردى جۇمىسقا تۇرعىزۋ پروسەستەرى تولىعىمەن ەلەكتروندى فورماتقا وتكىزىلگەن. رەسپۋبليكادا العاش رەت قولعا الىنعان جوبا ءوزىنىڭ وڭ ناتيجەسىن بەرىپ كەلەدى. سونىمەن قاتار قىزمەت بەرۋشى مەن قىزمەت الۋشىلاردىڭ اراسىنداعى تىكەلەي بايلانىستى ازايتۋ ءۇشىن حالىققا مەملەكەتتىك قىزمەتتەردى ەلەكتروندى پورتالى ارقىلى الۋ تاسىلدەرىن ۇيرەتۋ ماسەلەلەرى تالقىلاندى.
ايتا كەتەيىك، بۇگىندە ازاماتتارمەن ءتيىمدى كەرى بايلانىس ورناتۋ ماقساتىندا www.memkyzmet.kz سايتىندا ارنايى «ءبىلىم» ايدارى مەن +7 775 869 21 21 ءنومىرى بويىنشا WhatsApp جەلىسى جۇمىس ىستەۋدە.
وقو اكىمىنىڭ باسپا ءسوز قىزمەتى
