«Óńirlerdi damytý» baǵdarlamasy júzege asyrylǵaly beri kóptegen óńirlerdiń áleýmettik-ekonomikalyq ál-aýqaty jaqsyryp keledi.
Bul týraly Aqmola oblysyna jumys saparymen barǵan Premer-ministr Baqytjan Saǵyntaev aitty.
Aita ketelik, Aqmola óńiri áýel bastan Qazaqstannyń negizgi degen agrarlyq-ónerkásiptik óńirleriniń biri.
Oblysqa at basyn burǵan Baqytjan Saǵyntaev «Qazaqstannyń Agro Innovatsiialyq Korporatsiiasy» JShS aýyl sharýashylyǵy jáne kommýnaldyq tehnikanyń indýstriialyq-tehnologiialyq parkiniń jumysymen tanysyp shyqty.
QAIK jumysynyń negizinde Úkimetbasy óńirde Indýstriialyq-innovatsiialyq damý memlekettik baǵdarlamasynyń iske asyrylý barysymen, sondai-aq oblystyń kásiporyndarynda tsifrlyq tehnologiialar men Indýstriia 4.0 elementterin engizý sharalarymen tanysty.
Al Aqmola oblysy ákimdiginiń málimetine súiensek, Aqmola oblysyndaǵy ónerkásip óndirisiniń kólemi osy jyldyń qańtar-mamyr ailarynda 244,8 mlrd teńgeni, NKI ónimderi 2017 jylǵy tiisti kezeńmen salystyrǵanda 102,8% qurady.
Jalpy, segiz jyl ishinde Indýstriialandyrý kartasy aiasynda 79 investitsiialyq joba júzege asyrylyp, 7,9 myń jumys orny ashyldy. 2018 jyly 53,4 mlrd teńge somasyna 1330 jańa turaqty jumys ornyn ashýmen alty joba josparlanǵan.
Budan ózge, 2018 jyldan keiin paidalanýǵa berý merzimimen, 473,5 mlrd teńge somasyna, 3 myń jańa jumys ornyn qurýmen tórt joba boiynsha jumys jalǵasyn tappaq.
Búgingi tańda
Búgingi tańda metallýrgiia, mashina jasaý, himiia jáne azyq-túlik ónerkásibi, qurylys indýstriiasy salasyndaǵy 20-ǵa jýyq iri kompaniialar ónimdilik qýatyn ulǵaityp, jumys protsesterin ońtailandyrýǵa múmkindik beretin jańa tsifrlyq tehnologiialardy engizip jatyr.
Tsehty aralaý barysynda Premer-ministr aýyl sharýashylyǵy tehnikasyn qurastyrýdyń tehnologiialyq úderisimen tanysty.
«Qazaqstandyq Agro Innovatsiialyq Korporatsiia» JShS direktory O.Balybin IIDMB aiasynda iske qosylǵan zaýyt 2017 jyly 698 mln teńge somasyna 507 birlik aýyl sharýashylyǵy tehnikasyn shyǵarǵanyn, 2018 jyldyń úsh aiynda 265 mln teńgege 208 birlik tehnika shyǵarylǵanyn málimdedi.
Úkimet jyl saiyn AÓK-tiń tehnikalyq jabdyqtalý deńgeiin kóterýge kóńil bóledi.
Ótken jyly jalpy 32,6 mlrd teńge somasyna 288 traktor, 263 joǵary ónimdi astyq jinaý kombainy jáne 88 egis kesheni satyp alyndy. Tehnikanyń negizgi túrleri boiynsha jańarý paiyzy 2,6% qurady.
Osy jyldyń bes aiynda 576 birlik aýyl sharýashylyǵy tehnikasy satyp alyndy, onyń ishinde 101 traktor, 29 kombain, 53 egis kesheni 7,5 mlrd teńgege. Aýyl sharýashylyǵy tehnikasyn sýbsidiialaýǵa 3,4 mlrd teńge qarastyrylǵan.
Óńirdiń AÓK damytý barysymen tanysý «Bijan et óńdeý zaýyty» JShS nysanynda jalǵasady, onda Baqytjan Saǵyntaevqa Prezidenttiń daiyn aýyl sharýashylyǵy óniminiń eksportyn ulǵaitý jónindegi tapsyrmasynyń oryndalýy týraly baiandaidy.
Oblystyń agrarshylarymen kezdesýde AÓK damytýdyń jandandyrylǵan memlekettik baǵdarlamasy aiasynda usynylatyn, aýyl sharýashylyǵy taýaryn óndirýshilerdi qoldaýdyń jańa múmkindikteri, quraldary men tetikteri, sondai-aq elordanyń azyq-túlik beldeýin qamtamasyz etý boiynsha qabyldanyp jatqan sharalar talqylanady.
Sondai-aq jumys sapary barysynda birqatar ónerkásiptik jáne áleýmettik nysandardy aralaý josparlanǵan.
Máselen, №1 qalalyq emhanany tekserý kezinde Baqytjan Saǵyntaev óńirdiń densaýlyq saqtaý júiesin tsifrlandyrý barysymen tanysady.
Oblystyń meditsina salasynyń qyzmetkerlerimen kezdesýde meditsinalyq qyzmetterdiń sapasy, salany qaita retteý jáne jeke qyzmet kórsetý sektoryn damytý máseleleri talqylanady.
Baqytjan Saǵyntaevqa Halyqqa qyzmet kórsetý ortalyǵynda usynylatyn memlekettik qyzmetterdi avtomattandyrý mysaldaryn, sondai-aq «Tsifrlyq Qazaqstan» memlekettik baǵdarlamasynyń óńirlik jobalaryn usynady.
Premer-ministrdiń jumys sapary oblys ákimdiginde biznes ókilderimen jáne aktivpen ótetin keńespen támamdalady.
Onda osy jyldyń bes aiynda atqarylǵan jumys qorytyndylary men Prezidenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» joldaýlary men «Bes áleýmettik bastamasynda» eskerilgen mindetterdi sheshý boiynsha aldaǵy josparlar talqylanady.
Esterińizge sala keteiik, Baqytjan Saǵyntaev Memleket basshysynyń tapsyrmasy boiynsha Qazaqstan óńirlerin jumys saparymen aralap júr.
Buǵan deiin Atyraý, Qaraǵandy, Qostanai, Qyzylorda, Mańǵystaý jáne Ońtústik Qazaqstan oblystaryna jumys saparymen baryp qaitty.
