– Ákim – istiń adamy. Aýyl ákimi halyqpen etene aralasýǵa mindetti. Aýyl ákimderiniń qyzmeti árbir turǵynnyń kúndelikti tynys tirshiliginde týyndaityn qajettiliktermen tikelei bailanysty. Sondyqtan da bul – óte abyroily da jaýapty jol. Eń aldymen, ózekti máselelerge taldaý júrgizip, problemalar kartasyn jasaý kerek. Onyń ishinde basymdyqqa ie jobalardy naqtylap, sheshý joldary boiynsha usynystar engizý qajet.
Eń bastysy – áleýmettik másele. Jańa jumys oryndaryn ashyp, turǵyndardy jumyspen qamtýǵa kúsh salý, jańa kásiporyndar ashyp, investitsiia tartý kerek. Tazalyq, kógaldandyrý, abattandyrý jumystaryn arttyrý, qoqys poligondarynyń sanitarlyq jaǵdaiyn retke keltirip, qalypty jumys jasaýyn qamtamasyz etý kerek, – dedi Ómirzaq Shókeev.
Sondai-aq, oblys ákimi zań aiasynda, paidalanylmai jatqan jerlerdi memlekettik menshikke qaitarý boiynsha jumystardy júrgizýdi júktedi. Turǵyndardyń suranystaryn eskere otyryp, jeke turǵyn úi salýǵa, sharýa qojalyqtarynyń jumysyna jerler bólý, ortaq jaiylymdyq jerler máselelelerin sheshýdi tapsyrdy.
Sailaý qorytyndysymen, Túrkistan oblysynda 60 ákim sailandy. 32-ákim (53%) jańadan sailandy.
