Túrkistan oblysynyń ákimi Ómirzaq Shókeev jańadan saılanǵan aýyldyq okrýg ákimderimen kezdesti. Oblys basshysy halyq tańdaýynan shyqqan jańa ákimderdi saılaýdaǵy jeńisterimen quttyqtap, aldaǵy maqsat-mindetterin aıqyndap berdi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

– Ákim – istiń adamy. Aýyl ákimi halyqpen etene aralasýǵa mindetti. Aýyl ákimderiniń qyzmeti árbir turǵynnyń kúndelikti tynys tirshiliginde týyndaıtyn qajettiliktermen tikeleı baılanysty. Sondyqtan da bul – óte abyroıly da  jaýapty jol. Eń aldymen, ózekti máselelerge taldaý júrgizip, problemalar kartasyn jasaý kerek. Onyń ishinde basymdyqqa ıe jobalardy naqtylap, sheshý joldary boıynsha usynystar engizý qajet.

Eń bastysy – áleýmettik másele. Jańa jumys oryndaryn ashyp, turǵyndardy jumyspen qamtýǵa kúsh salý, jańa kásiporyndar ashyp, ınvestısıa tartý kerek. Tazalyq, kógaldandyrý, abattandyrý jumystaryn arttyrý, qoqys polıgondarynyń sanıtarlyq jaǵdaıyn retke keltirip, qalypty jumys jasaýyn qamtamasyz etý kerek, – dedi Ómirzaq Shókeev.

Sondaı-aq, oblys ákimi zań aıasynda, paıdalanylmaı jatqan jerlerdi memlekettik menshikke qaıtarý boıynsha jumystardy júrgizýdi júktedi. Turǵyndardyń suranystaryn eskere otyryp, jeke turǵyn úı salýǵa, sharýa qojalyqtarynyń jumysyna jerler bólý, ortaq jaıylymdyq jerler máselelelerin sheshýdi tapsyrdy.

Aýylsharýashylyǵy salasynda jańa tehnologıalardy engizý, tamshylatyp sýarý, jylyna 2-3 ónim alý ádisin paıdalaný, aǵyn sýmen qamtamasyz etý maqsatynda toǵandar salý múmkindikterin zerdelep, usynystar engizýdi mindettedi. Mal basyn asyldandyrý, veterınarıalyq qaýipsizdik jumystaryna erekshe nazar aýdarýdy tapsyrdy.

Saılaý qorytyndysymen, Túrkistan oblysynda 60 ákim saılandy. 32-ákim (53%) jańadan saılandy.