Ár restorannyń aldyna bir-bir politsei qoiý kerek - Shókeev
Óńir basshysy Ómirzaq Shókeev koronavirýstyń taralýyna jol bermeý úshin osyndai ádis usyndy.
Oblys basshysy mobildi toptardyń jumysyn kúsheitýdi tapsyrdy.
"Ár toihananyń aldyna bir-bir politsiia qyzmetkerin qoiý kerek. Bul da aýrýdyń taralýyna jol bermeýdiń tiimdi tásili bolatyn shyǵar. Kúrestiń osy jolyn da kórý kerek. Koronavirýstyń taralýyna jol bermeý úshin jan-jaqtan kúres kúsheitilsin",- dedi Shókeev.
Karantin talaptarynyń oryndalýyn baqylaityn mobildi toptardyń monitoring jumystary kúsheitildi. Nátijesinde sońǵy aptada 115 tyiym salynǵan otbasylyq, merekelik is-shara anyqtaldy, dep habarlady oblys ákimdiginiń baspasóz qyzmeti.
COVID-19 indetine shaldyqqandar sany 10 myńǵa jýyqtady. Sońǵy aptada virýs juqtyrǵandardyń kóbi – 20-49 jas aralyǵyndaǵy adamdar.
Oblysta barlyq 141 egý pýnktinde koronavirýsqa qarsy vaktsinalaý júrgizilýde. 109 pýnkt termokonteinermen qamtamasyz etilgen. 80 kóshpeli egý brigadasy jumys isteidi.
Óńirge vaktsinanyń 610 myńǵa jýyq dozasy jetkizilgen. Birinshi komponent 583 myńdai adamǵa nemese 95%, II komponent 404 myńǵa jýyq adamǵa nemese 77% egildi.
Jyl basynan beri oblys boiynsha jasaqtalǵan 127 mobildi top 190 myńnan astam nysandy aralady. 3,5 myńǵa jýyq hattama toltyrylyp, aiyppul salyndy.
