Jalpy aýdany 85 gektar jerde ornalasatyn erekshe keshenniń qurylysy úsh kezeń boiynsha júzege asady. Mundaǵy jasandy kóldiń syiymdylyǵy – 2,5 mln. m3. Kól sýy «Keńsai-Qosqorǵan-2» sý rettegishinen jinalady. Jańa demalys aimaǵy óńirge týrister men investitsiialardy tartatyn taǵy bir ortalyqqa ainalmaq.
Oblys ákimi Ómirzaq Shókeev ortalyq qurylysynyń barysymen tanysty. Qazir munda qazý jumystary júrgizilip, dambalar turǵyzylǵan. Sý keletin jalpy uzyndyǵy 550 m kanaldyń jer jumystary, beton quiý jumystary aiaqtalǵan.
«Túrkistan» týristik-rekreatsiialyq ortalyǵynda sý sporty túrlerimen ainalysýǵa arnalǵan arnaiy oryndar paida bolady. Jasandy kóldiń jaǵalaýynda emdik qasieti kóp shaǵyl qummen qyzdyrynýǵa jaǵdai jasalady. Jaǵajaiǵa arnalǵan aǵashtar otyrǵyzylyp, balalar demalys aýmaǵy salynady. Elitalyq kottedjder men qonaqúiler boi kóterip, demalys aýmaǵynda saiabaqtar men gúlzarlar salynady. Ainala abattandyrylyp, kógaldandyrylady.
